Gweld lot, gneud dim!

Helo! Wel, da ni di cal cwpwl o ddiwrnoda yma yn Seland Newydd, felly o'n i'n meddwl sa'n hen bryd i fi ddechra sgwennu rwbath! Ar y noson gynta un yn Auckland, natha ni gyfarfod dau foi yn eu 40au o Flaena Ffestiniog - ac oedd un o'ny nw di bod yn gweithio efo Hefin, Marian a Sij fel dyn camra! Dylan Williams oedd enw fo. Ma'n nyts pa mor ffasd fedrith dau berson Cymraeg ffeindio cysylltiad!

Eniwe, doedd na'm lot o ddim i neud yn Auckland yn ystod yr wsnos, felly natha ni benderfynu gadal yn y bora i fynd fyny i'r Gogledd am gwpwl o ddiwrnoda. Dreifio yda ni eto, ond wedi rentio car troma, i osgoi'r hassle o orfod cal gwarad o'na fo ar y diwadd! Dyma olygfa drw ffenast - edrych chydig fel cefn gwlad Cymru!

Natha ni ddreifio i bwynt mwya Gogleddol Seland Newydd, lle oedd na oleudy reit cwl i'w weld. Dyma chydig o lunia o'r goleudy:

Fel da chi'n gweld, da ni di bod reit lwcus efo'r tywydd, ond da ni hefyd yn disgwl iddi newid unrw ddiwrnod...! Dyma lun o Dan wrth lot o seins gwahanol:

Ar ôl fana, atha ni i weld chydig o sand dunes oedd reit agos. Eitha impressive!


Dyma Dan efo'r car newydd! (Awtomatic, weird dod i arfar dreifio fo!):

O ia, natha ni weld rwbath reit bizarre ar y ffor - motel oedd efo fflag Cymru tu allan! Natha ni drio mynd fewn i ofyn be oedd cysylltiad nw efo Cymru, ond doedd na neb yna (stori wael!).

Ar y ffor nôl lawr, natha ni sdopio i dynnu llunia o'r olygfa DDA:

Ar ôl hyn i gyd, oedda ni reit llwglyd, felly lle gwell i fynd i na shop Fish & Chips sy fod yn fyd enwog! Neis iawn oedd o fyd. Dyma lun o'na fi yn trio bod yn ffyni, ond yn methu achos bod coesa fi'n golwg! Jaman i fi. Bai'r ffotograffydd dwi'n meddwl!

Oedd y siop jips yn edrych dros harbwr neis fyd. Gesh i lun reit dda!

So ia, da ni heb neud lot o ddim diddorol eto, ond ma huna i gyd i ddod - fory neu'r diwrnod wedyn da ni am fynd i nofio efo dolffins, so fydd huna'n rwbath hwyl i sôn am. Sori os di'r blog ma di bod braidd yn boring, ond well na dim dydi!

Hefyd, rwbath i edrych mlaen ata fo yn y blog nesa - dwi am drio adio rwbath arall ar bob blog o hyn ymlaen, fydd (gobeithio) yn exciting iawn i chi gyd adra...! Cliw i chi - be fysa'n well na llunia...? Nai sgwennu'n fuan!