Y Glaciers a.....dim byd

I ddechra'r blog ma ar nodyn reit random - sbiwch arwyddion TAIT nesh i weld mewn tafarn yn Taupo!

Eniwe, ymlaen efo'r blog. Dwi'n gwbod bod fi heb sgwennu ers wsnos a hannar, a dwi'n gwbod bod rhei o'na chi'n checio fo'n ciin bob bora yn gwaith (Manon, Mari, Mam...) ac yn cal siom(!), ond do'n i ddim isho sgwennu blog tan oedd gena fi fwy nag un peth i ddeud. Ond rwan fydd raid i fi, er mai dim ond un peth gena fi i son am, a bod na ddim hyd yn oed fideo am fod ar y blog. O wel, ma blog bach boring yn well na dim blog o gwbwl dydi!

So ia, fel nesh i ddeud tro dwytha, oedda ni am fynd fyny'r glaciers yn y glaw. Lwcus, nath hi frafio erbyn diwrnod dringo ni i fod yn ddiwrnod rili braf. Rili rhyfadd, achos y diwrnod wedyn, oedd hi'n tresho bwrw eto! So da ni wedi bod reit lwcus efo'r tywydd. Oedd o'n rili da, un o'r petha gora dwi di neud yn Seland Newydd yn bendant - lot gwell nag o'n i di ddisgwl! Oedd raid i ni ddringo fyny'r mynydd, efo guide yn torri grisha i ni wrth fynd fyny. Doedda ni'm yn dilyn yr un route pendant, achos ma'r rhew yn newid bob diwrnod, felly does na'm ffor o ddeud lle fydd yn dda, a lle fydd ddim.

Y peth gora amdana fo oedd dringo drw ogofau rhew, a llefydd cul - eitha clostroffobic, a gwlyb iawn! Da ddo. Oedd y rhew mor las fyny yn y llefydd ucha! Oedd 3/4 diwrnod yn hen ddigon i fi, ac erbyn diwadd, o'n i di blino braidd. Dyma lunia o'r diwrnod!

Da ia?! Eniwe, ers huna da ni heb neud dim o werth - go iawn, DIM. BYD. Heblaw gneud jig-so's(!), mynd i'r sinema, watchad DVDs yn yr hostels, a gneud mwy o jig-so's. Oce, di huna ddim cweit yn wir. Ar ol Franz Josef, atha ni fyny'r west coast i Nelson, dinas reit fawr. O fana, atha ni groesi nol fyny i ynys y Gogledd, a dreifio am Taupo. Nath Dan sdopio ar y ffor i neud walk y Tongariro Crossing, sy'n 18km! Mynadd! Ac oedd y tywydd mor ddrwg pan nath o neud o, doedd o methu gweld pellach na'i drwyn! O leia fedrith o ddeud bod o wedi gneud o, ond ddyla chi weld pa mor wael di'r llunia! Nesh i ddewis peidio (lwcus), a hitchhikio fyny i Taupo - profiad newydd! Ma na lot yn deud mai dyna'r ffor ora i deithio rownd yma, a dwi'n gweld pam rwan. Doedd na'm raid i fi ddisgwl yn hir cyn cal liffd.

O Taupo, atha ni fyny at Lena ac Elgan, a dyna lle da ni di bod drw'r wsnos, yn gneud dim byd mond diogi a watchad DVDs. Dwi'n meddwl sa wsnos yn llai yn Seland Newydd wedi bod yn berffaith, ma 6 wsos braidd rhy hir! Da ni am ddreifio fyny i Auckland dydd Sul, a da ni'n fflio i Fiji dydd Mawrth - methu disgwl am chydig o haul eto! Dwnim faint o flogio fydd yn mynd mlaen yn fana chwaith, so peidiwch a disgwl lot - sa fo run mor ddiddorol a blog Mam a Nia o'u gwylia nw ("Heddiw, atha ni i'r traeth. Fory, da ni'n mynd i'r pwll.")! Dim ond pythefnos fydd o ddo, a nai drio gneud o leia un, i chi gal gweld pa mor braf di hi yna! Ond dwi'n GADDO fydd y blog yn cal ei updatio'n rheolaidd yn America - fydda ni'n gneud lot o betha fana! A wedyn dim ond 7 wsnos fydd ar ol! Amsar yn hedfan go iawn!

Eniwe, sa well i fi fynd rwan - dwi di mwydro braidd gormod am un blog! Ella nai flogio o Auckland, ond os ddim, nai weld chi yn Fiji!!

Skydive Dan (o'r diwadd!)

Helo! Dwi'n gwbod bod fi wedi gaddo rhoi llunia o skydive Dan fyny ers oes, ond dwi o hyd yn anghofio! Felly, o'r diwadd, dyma nw (i sort of neud fyny am y ffaith bod fi di slacio efo'r blog yn ddiweddar!):

And ny nedgu gynbu

Dwi'n gwbod be da chi'n feddwl - be di'r teitl i fod?!? Wel, chydig o "buzzle" i chi, a gewch chi weld pam bod fi di rhoi "puzzle" i chi neud ychydig nes ymlaen...

...Yn y cyfamser, gena fi wsnos o ddal fyny i neud, ond unwaith eto da ni di cal wsnos reit relaxed (boring). Os da chi'm yn coelio fi, natha ni'm gneud dim byd ddoe mond mynd i'r sinema a gneud un jig-so, a cychwyn ar un arall ANODD. Nai ddim manylu mwy ar hyn, ond mi oedd o'n LOT o hwyl fel fedrwch chi ddychmygu.

Eniwe, wsos dwytha atha ni lawr i Milford Sound, sef ryw cruise cwch sy'n mynd i weld llefydd neis. Biti oedd hi'n BWRW DRW'R HOLL CRUISE!! Na, chwara teg, nath y tywydd ddechra'n iawn, tan i ni fynd AR y cwch. Dyma lunia o be natha ni weld cyn mynd ar y cwch. Ma nw'n galw'r llyn ma yn Mirror Lakes. Dyma pam:

A dyma afon natha ni weld:

A dyna pryd nath hi ddechra bwrw. Oedd y trip cwch braidd yn disappointing i fi. Y rhan gora oedd cal mynd reit at un o'r waterfalls. Pan mai rhan gora trip di cal eich sprayio yn eich gwynab efo dwr freezing, da chi'n gwbod bod o ddim y trip gora'n y byd...!

Eniwe, dwi'n teimlo'n anniolchgar yn slagio petha off. Dwi'n falch bod fi wedi gweld o, a doedd o ddim mor ddrwg a huna go iawn!

Yn ol yn Queenstown, nath Dan neud bungy jump! DAU o'na nw! Esh i i weld o'n gneud y cynta, off bont, ond swn i di gorfod talu $40 i weld o'n gneud y llall. Fedra i feddwl am betha gwell i neud efo fy mhres na gweld Dan yn sgrechian fel hogan (wel...dim lot chwaith!). Dyma fideo o'na fo'n neidio off y bont. I chi gal gwbod, hwn oedd y lleoliad bungy jump cyhoeddus cynta yn y byd.

A dyma lunia o'na fo'n gneud yr ail naid - afiach go iawn!

Y diwrnod wedyn, natha ni ddreifio o Queenstown fyny i Wanaka. Oedd na rwbath cwl IAWN yn Wanaka - Puzzling World (da chi'n dalld pwrpas y teitl rwan?!)! Dwi'n licio llefydd felma, so o'n i wrth fy modd.

Yn y sdafall gynta yma, oedd na lwyth o wyneba ar y walia, ac wrth gerddad rownd efo un lygad wedi cau, oedd o rili'n edrych fel bod nw'n sbio arna chi! Afiach braidd.

Ar ol huna, sdafall rili cwl. Sbiwch ar y llun yma:

Edrych fel sdafall reit normal dydi? Ond sbiwch be oedd yn digwydd pan oedda ni fewn yn y sdafall: (A dwi dal ddim yn dalld SUT ma hyn yn gweithio fy hun!!)

Ac yn ola, y sdafall ora - sdafall hollol gam. Yn y llunia yma, ma Dan a fi'n sefyll fyny'n syth, dim ond y sdafall sy'n gam:

Oedd o ddigon i roi cur pen i chi yn diwadd. Oedd na liffd grisha hefyd oedd yn edrych fel bod o'n sleidio fyny alld, ond sleidio lawr alld oedd o go iawn. Confusing!

Mwy o gur pen oedd nesa - y maze! O'n i'n meddwl swn i reit dda, ond nath Dan rasho fi o tua 20 munud. O'n i'n flin a fed-up erbyn diwadd o fynd fewn i un dead-end ar ol y llall!!

Oedd y toilets reit wahanol fyd - sbiwch ar hwn. Dim ond hannar y sdafall sy yna, a'r hannar arall di cal ei beintio fewn!

A dyma Dan yn dal y cloc enwog fyny efo un law (ond sbiwch ar ei gysgod o...!):

So ia, lot o hwyl fel da chi'n gweld. Ddoe, oedda ni di bwriadu cal diwrnod o bysgota, ond di nw'm yn gneud huna yn y Gaea, felly dyna pam gatha ni ddiwrnod o neud dim byd. Heddiw, da ni di dreifio fyny i Franz Josef, lle da ni am ddringo dros glaciers (Dan yn gneud diwrnod llawn o ddringo, fi mond yn gneud 3/4!). Edrych mlaen, ond mai'n gaddo tywydd rili gwael. Mai'n tresho bwrw fel dwi'n sgwennu hyn! Pythefnos i fynd tan gawn ni haul yn Fiji...!

Wsnos reit ddiflas!

Helo! Dwi'n gwbod be da chi gyd yn feddwl - bod fi di cal wsnos o fod yn ciin yn blogio bob yn ail ddiwrnod, a bod fi rwan yn slacio, ond y gwir amdani ydi bod fi heb gal dim byd i sgwennu am tan rwan. Ar ol wsnos rili prysur yn gneud lot o betha gwahanol, da ni di cal wsnos reit ddistaw wsnos dwytha. Yn Wellington o'n i tro dwytha i fi sgwennu, ond doedd na'm lot i neud yna, a doedd y tywydd ddim yn gret, fel ma'r llun yma'n ddangos!

Ond mi oedd na dafarn Gymraeg yna, felly oedd Dan a fi reit hapus. Dyma lun o Dan yn chwara pool, a wedyn llun o Mike, sef perchennog y dafarn Gymraeg.

Oedd o'n deud mai mond pobol Gymraeg oedd yn cal gweithio yn y dafarn, a pan oedda ni yna, hogan o Lanrwst a hogyn o Abergele oedd yn gweithio. Gatha ni noson dda, ond braidd yn random!

Eniwe, dydd Iau, oedda ni fod i ddal y fferi lawr i ynys y De. Ond, nath RYWUN anghofio setio'r larwm, felly natha ni fethu fferi 7am ni (na, dwi ddim dal yn flin am y peth DAN!). A doedd na ddim refund i gal, felly oedd raid i ni brynu tocyn newydd sbon am $100 yr un! Grr. Ac i neud petha'n waeth, pan atha ni at y car, doedd o ddim yn dechra - oedd na RYWUN wedi gadal y goleuada mlaen, a gadal i'r batri fynd yn fflat! (Oce, bai fi oedd huna....) So oedd raid i ni ffonio'r AA a talu $85 arall! DIWRNOD GWAETHA'R TRAFYLS!!

OND, natha ni lwyddo i ddal y fferi mewn pryd, lwcus. Natha ni ddreifio lawr i Kaikoura am noson, lle reit neis. Natha ni gyradd yn y nos, felly natha ni'm gweld lle oedda ni'n iawn tan y bora - syrpreis neis oedd deffro i'r olygfa yma:

O fana wedyn, lawr i Christchurch. Dinas rili neis, eitha tebyg i ddinasoedd adra, ond eto - DIM BYD I NEUD! Atha ni i'r sinema i weld Spider-man 3. Mae o'n oce. Dim byd sbeshal.

ENIWE, erbyn dydd Sul, oedda ni'n eitha depressed efo cyn lleied o betha oedda ni di neud drw'r wsnos! So oedd hi'n amsar symud mlaen eto, i Queenstown. Ar y ffor, natha ni sdopio wrth ryw lyn reit enwog. Oedd na eglwys fach ar lan y llyn, a nesh i drio tynnu llun o tu fewn yr eglwys, ond ma hyn yn dangos be sy'n digwydd os da chi'n trio rwbath gwahanol!

Natha ni gyradd Queenstown yn y nos wedyn, oedd yn edrych yn rili cwl. Ac oedd o'n edrych hyd yn oed gwell yn y bora! Da ni'n aros reit ar lan y llyn yma, so gesh i gwpwl o lunia DA (os gai frolio):

Ddoe, atha ni fyny i dop mynydd mewn Gondola. AFIACH o Gondola, rili serth, a oedd Dan ddim yn help chwaith:

O'n i reit falch i gyradd y top i ddeud y gwir - dwi erioed di bod yn ffan o cable cars! Eniwe, oedd yr olygfa o'r dre o top y mynydd reit impressive:

Ac oedd na rwbath HWYL i neud ar y top (fel ma Dan di egluro yn y fideo) - lugeing. Fatha toboganio, ond gwell am bod o fwy PERYG heb drac caeth. Dyma lun o'na fo:

A dyma Dan efo'r luges (dal ddim yn siwr sud ma pronouncio'r peth!):

Lot o hwyl, oedd na gystadleuaeth dynn rhwng Dan a fi - gafo ni 5 ras, a nath Dan ennill nw i gyd! Oedd yr ola'n ras agos, fi'n dal fyny efo Dan o hyd, ond fo'n cytio fi off mewn ffor BERYG - esh i bron fewn i'r coed un tro!! Oedda ni'n dal chairlift nol fyny bob tro - o'n i ofn isda efo Dan ar ol y Gondola! Dyma lun o Dan:

Nath y cystadlu ddim gorffan fana chwaith - wedyn, gafo ni 18 twll ar gwrs Crazy Golf. Yr un mwya nyts, random ac extreme dwi di chwara. Weithia oedd o ddim even yn deg, ond rhei felna dwi'n licio! Oedd hi'n agos IAWN drw'r gystadleuaeth, ond yn diwadd, nesh i gyfri'r sgor, a'r enillydd oedd....FI!!

...Tan i Dan ailgyfri'r sgor a sylwi mai cyfartal oedda ni. O wel, gesh i deimlo fel enillydd am ddau funud. Neithiwr, atha ni am bryd o fwyd i fflat Cerys, hogan sy'n byw allan yma ond yn gweithio i Cymen! Bwyd lyfli - cinio dydd Sul cyw iar! Swn i'm di gellu dewis pryd gwell i gal! Atha ni allan neithiwr efo Cerys, Blair (ei chariad), a cwpwl o'r enw Melanie a Clive o Gymru. Lot fawr o hwyl! Dyma Dan a fi efo Cerys:

Iawn, sa well i fi fynd rwan - ma'r blog ma di cymyd hirach nag o'n i di ddisgwl! Fory da ni'n mynd lawr i Milford Sounds - dwnim bedio, ond apparently mae o'n "amazing". A dydd Gwenar - ma Dan yn gneud bungy! Dim jysd un chwaith, DAU fynji!! Nytar! Ma skydive yn ddigon extreme i fi diolch...!

Nai sgwennu'n fuan!