Mae o'n ôl!!

Heloooo!! Gobeithio bod bywyda chi gyd heb fod rhy wag heb y blog ma! Natha ni fflio i Seland Newydd neithiwr, a rwan da ni yn Auckland. Ond mwy am huna rwbryd eto - gena fi fis a hannar o fywyd Melbourne i sôn am gynta (ma hyn am fod yn boring iawn i bawb sy ar Bebo, ond na fo!)...

Tro dwytha nesh i sgwennu, o'n i dal wrthi'n chwilio am job. Wel, nesh i ffeindio un, yn gweithio fel 'internal mail distributor' i gwmni mawr yn ganol y ddinas (ia, dim ond enw posh am bostman di huna). Oedd o'n ideal i fi ddo, cal bod ar y we drw dydd, pum munud o'r fflat, a pres reit dda fyd.

Eniwe, digon o sôn am huna, ymlaen at y petha hwyl. Oedd o'n braf gellu gwerthfawrogi penwythnosa eto, a mi oedda ni'n gneud y mwya o bob un! O noson St Patrick's...

...i ben-blwydd fi! Digwydd bod, oedd Sarah chwaer Ed yn Melbourne am y penwythnos, felly gatha ni noson reit dda efo hi a'n cymdogion yn y fflat, sef Laura, Emma a Megan. Chwara teg, natha nw gwcio sbageti bolognese i fi cyn i ni fynd allan (a gorfodi fi i wisgo het wirion drw nos!).

A'r wicend wedyn, oedd rhieni Laura a Emma fyny, felly gatha ni sesh efo nw yn ein local, yr Exford Hotel!

Ffyni, oedda nw'n rieni reit cwl, a ma nw di deud gawn ni fynd yna i aros ata nw yn Essex ar ôl dod adra! Eniwe, ar ôl chydig o wsnosa reit debyg, natha ni benderfynu mynd i ffwr am un wicend ar ôl i gwaith pawb orffan, so atha ni i Torquay (yn Awstralia, dim yr holl ffor i Loegr!) am y penwythnos i weld cystadleuaeth syrffio mwya'r byd. Biti, oedd y syrffio di cal ei ganslo am bod y tywydd rhy dda (felly dim digon o dona), ond nath huna ddim rhoi dampnar ar yr hwyl!

Ar ôl y penwsnos yna, natha ni symud o ganol y ddinas, er mwyn cal treulio wsnos ola ni yn Melbourne yn St Kilda, sef y rhan o Melbourne sy wrth y traeth. Oedd o reit od bod nôl mewn hostel ar ôl mis mewn fflat, ond oedd o reit braf hefyd - teimlo fel bod nôl ar wylia eto! Gatha ni wsnos ola dda iawn o neud fawr o ddim!

Ar y dydd Iau, nath Dan, James a fi fynd nôl i'r ddinas am y tro ola i ddringo fyny'r sky tower. Natha ni sylwi bod Melbourne ddim yn ddinas mor impressive a Sydney, ond lot neisach lle i fyw!

Ac ar y dydd Gwenar ola, nath Dan a fi feddwl sa ni'n gadal Melbourne yn dilyn yr un thema a'r peth cynta un i ni neud yna - NEIGHBOURS! Do, atha ni ar tour i weld Ramsay Street. Braidd yn boring rili, ond o leia fedra ni ddeud bod ni di bod yna! Oedd y stryd lot llai na o'n i'n ddychmygu, a oedd rhei o'r tai ddim yn edrych yn gyfarwydd tan i fi sbio nôl ar y llunia! Od.

Gafo ni hefyd gyfarfod Libby (oedd jysd yn awkward braidd), a mynd i weld yr ysgol lle ma nw'n ffilmio.

A dyna ni! Dyna grynodeb o'r mis a hannar dwytha. Sori os oedd o'n hir braidd, ond o'n i'm isho gadal dim byd allan! Ar y noson ola un, gafo ni noson allan ola un efo James, oedd reit drist! Dwnim pryd nawn ni weld o eto, achos ella bod o am aros yn Melbourne am byth! Dyma lun o'r tri o'na ni'n drist:

O Sydney oedda ni'n fflio, felly gatha ni fys dros nos fyny yna, a cyfarfod Sarah eto am noson allan a cinio dydd Sul!

Mai'n bwrw yn Auckland heddiw, felly dwnim be da ni am neud! Wedi bwcio car am y 6 wsnos, felly fydd gena ni ryddid i neud be da ni isho eto. Edrych mlaen i ddechra symud eto!