'Dolig reit wahanol...

Helo! Gobeithio gath pawb 'Ddolig da (er mashwr bod chi gyd di bod yn crio do?!). Da ni 'di cal un reit wahanol i'r arfar, a dio'm rili 'di teimlo fel 'Dolig i ddeud y gwir. I ddechra, raid i fi dd'eud bod ni 'di gweld Cymry Cymraeg ar Christmas Eve! O'n i mewn pyb, a'r peth nesa, nath na hogan ma dapio ysgwydd fi a gofyn "ti'n frawd i Mari Lovgreen?" - od iawn - apparently oedd y Fflur 'ma yn coleg efo Mari, ac oedd hi'n trafeilio efo Anwen, oedd yn arfar byw efo Gwil! Byd bach!

Eniwe, bora 'Dolig wedyn, y peth cynta natha ni oedd agor presanta ein Secret Santa - gesh i set poker gen Dan (da - dwi di methu poker!), a gath Dan d-shirt gen Ade. Dyma fo efo ei bresant:

Oedd gena ni ginio 'Dolig am ddim efo ein hostel, ac er bod o braidd yn oer, oedd o reit neis cal ryw fath o normaliti i'r diwrnod! Dyma Marcus (yr Hyw Newydd!) ac Ade yn buta:

Wedyn, atha ni i Bondi Beach, lle ma PAWB yn mynd bob 'Dolig. 'Dwi rioed 'di gweld traeth mor brysur! Oedd y tywydd ddim i fod yn dda iawn, ond lwcus gatha ni dywydd braf! Dyma ni yn Bondi Beach:

A dyna ni! Ar ol huna, natha ni jysd fynd i gaffi am ddrinc a bwyd yn y nos, wedyn gwely cynnar! I dd'eud y gwir, o'n i reit jelys i feddwl amdana chi gyd adra yn ca'l 'Dolig normal, ond fedra i'm cwyno chwaith!

O ia, un peth arall - da ni 'di perswadio James i ddod efo ni rownd Awstralia yn y car. Dyma James:

Dan yn dysgu syrffio

Ma'r pigo ffrwytha drosodd! Oedd o'n teimlo'n braf iawn i bigo'r cherry ola un, a gwbod fydd BYTH raid i fi neud huna eto yn fy mywyd! Gan bod na ddim lot mwy na huna i neud yn Orange, natha ni adal syth ar ôl i'r gwaith orffan, sef dydd Iau, a ddatha ni nôl i Sydney y diwrnod yna (a gorfod cysgu yn y car ar stryd yn Sydney am ddwy noson am bod gena ni ddim accomodation tan dydd Sadwrn - afiach o dramps!).

Dydd Gwenar atha ni i Manly, sef un o suburbs Sydney, i weld y traeth. Gath Marcus a Dan wers syrffio hefyd, ond do'n i'm yn fodlon talu $50 rhag ofn fyswn i methu pigo fo fyny (yr actual proses o syrffio, dim y surfboard ei hun), so nesh i jysd watchad y wers o bell (slei SLASH stinj). Oedd o'n edrych yn dda, a nath Dan bigo fo fyny'n syth bron (shoc). Dwi am drio tro nesa fyd, ond jysd rentio surfboard am awr neu rwbath - ma Dan yn sôn am brynu un! Yn y cyfamser, dyma lunia o Dan a Marcus wrthi:

Ma raid i fi ddeud ddo, di'm yn teimlo fel 'Dolig o gwbwl yma! Ma' 'Dolig adra lot gwell! (Ma raid i fi ddeud huna ddo does!). Da ni (sef fi, Dan, Marcus, James, Ade ac Emma) 'di gneud Secret Santa 'fyd, felly o leia fydd gena fi rwbath i agor bora fory! Y plan am fory ydi mynd i gal cinio Dolig (sy' am ddim efo hostel ni), cyn mynd i'r traeth wedyn yn y p'nawn - ma nw'n gaddo tywydd reit ddrwg, ond ma raid i fi ellu deud bod fi 'di treulio diwrnod 'Dolig ar y traeth, hyd yn oed os fydd hi'n tresho bwrw ac yn freezing! Nai adal chi wbod sut 'Ddolig gatha ni - tan huna, NADOLIG LLAWEN I CHI GYD!!

5am?!

Da ni yn Orange rwan ers wsnos, a da ni'n cal amsar...diddorol! Mae o'n dre reit fach, ac yn eitha tebyg i Gaernarfon mewn ffor (ond lot llai o bobol rownd). Ma'n dda cal gweld chydig o Awstralia go iawn ddo. Oedd y diwrnoda cynta'n sdres braidd achos bod ni di cyradd heb unryw job, felly oedd raid i ni ddreifio rownd yr holl ffermydd (gan gynnwys un ffarm o'r enw Caernarvon!) yn gofyn idda nw os oedd gennyn nhw jobs i ni yn pigo ffrwytha. Yn y diwedd, fuon ni'n lwcus. Neu'n anlwcus, dibynnu pa ffor da chi'n sbio arna fo! Dyma Dan a fi yn nacyrd ar ôl y diwrnod cynta!

Dyma ddiwrnod arferol i ni. Deffro 5am (afiach!!!), cyn dreifio i gwaith erbyn 6am. Pigo cherries off y coed o 6am-3pm efo brêc o bum munud i ginio. Afiach ta be? A ma hi'n boiling, a da ni mond yn cal rwbath fel pedair punt am bob bocs mawr da ni'n lenwi! Oedda ni reit annoyed SLASH depressed ar y diwrnoda cynta, ond ma'n dechra dod yn haws rwan, ma raid i fi ddeud. A dwi'm yn meddwl gymaint am faint dwi'n ennill, mond faint dwi'n safio drw beidio bod yn Sydney. (I roi syniad i chi, dwi'n gellu gneud tua 6 bocs mewn diwrnod - ma Dan yn gellu gneud mwy, wrth gwrs!). Da ni'n dechra mynd yn fed-up o cherries rwan; da ni'n gweld nw pan da ni'n cau llygid ni, a nesh i hyd yn oed clywad Dan yn sharad yn ei gwsg noson o blaen am bigo cherries! Dyma lun o'r tri o'na ni'n gweithio'n galad!

A dyma fi'n cal cop yn cymyd brêc bach, wedyn llun o'r bocsus oedda ni'n eu llenwi! (Rywun di neud job wael a heb lenwi nw reit i'r top dduda i!)

Da ni'n aros mewn parc carafanau am $30 yr wsnos, sef 12 punt - dim yn ddrwg o gwbwl wrth feddwl bod ni'n talu 200 punt i aros mewn hostel yn Sydney am ddeg diwrnod dros Dolig!! Da ni'n byw reit dlawd, a highlight bob diwrnod ydi mynd i Woolworths (sy'n supermarket yn fama) a prynu bwyd (make Savers, wrth gwrs).

Gatha ni ddiwrnod off dydd Sul hefyd, felly natha ni fynd i weld y Blue Mountains, sef casgliad o fynyddoedd a canyons a ballu - reit ddiddorol mashwr. Dyma lunia gath Dan:

Eniwe, fel da chi'n gellu deud, dydi bywyd ddim rhy ecsaiting ar hyn o bryd, ond os da ni'n gweithio'n galad rwan, gawn ni beidio poeni gymaint am bres dros Dolig! Edrych mlaen! (Ac o leia fedra i dal neud chi gyd yn jelys drw sôn am y tywydd...!)

Plan B

Fel sa chi probabli di gellu gesho, nath y busnas chwilio am waith byth rili digwydd, a) achos bod ni ddim rili yn ciin ar aros yn Sydney am gyfnod mor hir a huna, a b) am bod ni'n rhy ddiog - felly dyna pryd natha ni feddwl am Plan B. Ma fi, Dan a Marcus wedi prynu car(!), a da ni am ddreifio rownd Awstralia yn gweithio ein ffor rownd. So felma, fedra ni neud pres a gweld Awstralia ar yr un pryd! A mae o'n gar mawr fel y car gwyn, so fydda ni'n safio lot o bres os fydda ni'n cysgu yn y boot!....Da NI'N meddwl bod o'n syniad da eniwe!

Wedi deud huna, ma Sydney yn dechra tyfu arna fi hefyd. Am ddinas, mae o'n le reit braf i fyw, a di pob dim ddim rhy bell i ffwr chwaith. Heddiw, atha ni i weld yr Opera House a'r Sydney Harbour Bridge, fel bod ni'n gellu deud bod ni di gweld y prif betha cyn bod ni'n gadal fory! (O ia, da ni'n gadal fory am bythefnos a hannar i fynd i bigo cherries yn Orange (dim pigo oranges yn Cherry (jôc wael - slash gena fi ormod o fracets ar y go rwan)), cyn dod nôl i Sydney mewn pryd i Nadolig a Flwyddyn Newydd). Dyma lunia:

Da ni di bod yn cal nosweithia da yma hefyd, a da ni'n nôl i seis gang da rwan (er, ma James a Matt wedi mynd am wylia i Fiji am bythefnos - braf iawn!).

Dwi ddim yn cal lot o lwc efo fflip fflops ar y funud ddo. Gafodd y pâr cynta eu colli ar noson allan yn Kho Phangan - misdêc oedd menthyg nw i Dan! Eniwe, chwara teg, nath o brynu rhei newydd i fi, felly o'n i'n hapus eto. Am chydig. Un noson yn Singapore, nesh i adal yr ail bâr yn y corridor am bod nw'n drewi. Pan ddesh i nôl i'r hostel ar ddiwadd y noson, nesh i ffeindio bod fflip fflops fi di mynd - ond oedd na bâr o sandals lledar afiach di cal eu gadal yna yn lle! O'n i'n flin. Eniwe, nesh i orfodi fy hun i brynu pâr newydd y diwrnod wedyn, a o'n i'n hapus eto. Am chydig. Noson o blaen, nath na rywun ddwyn y fflip fflops o'r sdafall!! Grr! Slash lwcus bod y lleidr di dewis peidio dwyn unrw beth gwerthfawr fel y camera neu rwbath! Felly unwaith eto, dwi heb fflip fflops. Dwi ddim yn hapus.

Eniwe, ddim yn edrych mlaen gormod at bigo ffrwytha, achos mae o fod yn waith rili poeth a calad, ond dim ond pythefnos a hannar dio, a fydd gena ni bres at Dolig wedyn. Nai adal chi wbod sud ma'n mynd (a sut le di Orange!)!

G'day mate!

Helo o Sydney! Natha ni gyradd tua 9pm nos Sadwrn, a'r peth cynta natha ni oedd cysylltu efo gweddill y criw (sef Ade, Marcus a James) i weld pa hostel oedda nw'n aros yn. Mae o'n hostel reit neis, a ma na gegin a stafall fyw yma hefyd, felly ma'n teimlo yn union fel bod nol yn coleg rili. Mae o mor braf gellu cwcio i ni'n hunan eto, a peidio gorfod buta allan bob tro! Ma na Gymro arall yn aros yn yr hostel hefyd, sef Lee (ond mae o'n hwntw!).

Da ni heb neud lot o ddim byd ers cyradd, achos da ni isho ffeindio job a fflat neu dy i rentio cyn gynted a phosib rili. Methu disgwl i gal ty! Dwi'n ystyried gneud cwrs i fod yn barman hefyd, ond dibynnu os oes na alw am barmen neu beidio.

Gobeithio bod chi'n licio'r llunia nesh i roi fyny ar un o'r hen flogs - sori bod na'm llunia ar hwn, ond dydi chwilio am waith a siopa mewn supermarket ddim yn destun llunia rhy ddiddorol nadi?!

Malaysia a Singapore mewn wsnos

Gai jysd ddechra drw ddeud - LLUNIA!! Ma nw'n ol! Relief i chi ac i fi. Ac yn ail, sori bod fi (eto) heb sgwennu ers hir, ond rwan bod y llunia nol on track, dwi'n gaddo nai updatio yn amlach! (O ia, dwi methu rhoi llunia ar yr hen flogs ar y funud, achos ar camera fi ma nw, a ma batri hwna'n fflat...wps!). Eniwe, ma taith ni yn Asia bron drosodd rwan, a ma raid i fi ddeud, dwi'n eitha parod i adal - dwi methu disgwl i fod yn Awstralia yn ol mewn ryw fath o le "normal" eto, heb ddim traffarth na sdress yn nunlla! Ond cyn huna i gyd, da ni di bod yn brysur iawn dros yr wsos dwytha...

...I ddechra, natha ni adal Thailand ar fys 19 awr syth lawr i Kuala Lumpur, sef prifddinas Malaysia. Oedd o'n le reit braf, ond dim lot i neud yna chwaith. Natha ni fod reit ddiwylliedig a mynd i weld cwpwl o betha fel y twin towers mwya yn y byd, ond ar ol huna natha ni fynd i'r sinema i weld ffilm James Bond newydd, felly oedd huna'n canslo'r gwaith da allan! (O.N. Ma'r ffilm yn dda iawn).

Da ni dal efo'r un gang, ond mae o di mynd lawr i wyth ona ni rwan. Dyma lun o'na ni ar y bont sy'n cysylltu'r ddau dwr:

A dyma lun o Dan ar ben ei hun ar y bont (yn gneud gwynab coci):

Mond Kuala Lumpur atha ni i yn Malaysia, cyn mynd lawr i Singapore (yndi, ma'n wlad wahanol apparently). Ma'n le eitha bizarre, achos mae o jysd fel prifddinas hollol fodern a clinical, ond does na'm byd am y lle yn gneud o'n arbennig i Asia, os da chi'n dalld. Sa ni'n gellu bod yn rwla yn y byd i ddeud y gwir.

Neithiwr wedyn, i ddathlu noson ola pawb efo'i gilydd, atha ni allan i le posh iawn i drio'r Singapore Sling, diod enwog iawn (a reit neis hefyd). Dyma Dan a fi yn trio'r diod merchetaidd!

A dyna ni! Mae o mor braf gellu rhoi llunia fyny i ddangos i chi'n iawn be da ni'n neud! Syth pan nai gyradd Awstralia dwi am roi llunia fyny ar y blogs dwytha hefyd! Tan Awstralia felly, traaaa!

Mwnciod gwyllt a traeth enwog

Helo! Tro dwytha nesh i sgwennu oedda ni yn Kho Pha Ngan, ac o fana atha ni lawr i'r ynys ola o'r tair, sef Kho Samui - nath y gang i gyd sdicio efo'i gilydd, a natha ni rentio 3 jeep i ddreifio rownd yr ynys - lot o hwyl! Dim ond am ddwy noson oedda ni yna, a wedyn natha ni gyd symud i ochor arall y wlad i Kho Phi Phi (pi-pi!! - sori).

Ma'r lle yma yn riiiiili neis, ac ar y noson gynta, oedda ni'n aros mewn lle rili posh. I Dan a fi, sy di arfar efo cysgu mewn llefydd reit afiach, oedd o'n nefoedd i gal cawod boeth ac air-con yn y sdafall! Dwi'n meddwl mai un o'r llefydd neisha dwi rioed di aros yn! Oedd raid i ni symud ar yr ail ddiwrnod ddo, a rwan da ni reit ar y traeth, nol i'r math o sdafall da ni wedi hen arfar efo!

Diwrnod o blaen, natha ni fynd am drip cwch am y diwrnod, i weld lot o wahanol betha rownd yr ynys, gan gynnwys y traeth enwog lle gath The Beach ei ffilmio. Oedd o'n draeth amazing, a'r tywod neisha dwi rioed di sefyll arna fo. Oedd o'n biti braidd bod y lle di troi'n tourist attraction erbyn rwan, achos swn i di licio gweld o heb fawr o neb yna. Highlight arall y trip oedd Monkey Beach, sef traeth llawn o fwnciod (shoc). Oedd o reit nyts bod mor agos i fwnciod gwyllt, ac oedd na rei mawr yn gwarchod y rhei bach os oedda chi'n mynd yn agos atyn nhw!

O, ia, dwi di anghofio am y thing mwya ffyni - oedda ni'n snorclo efo pysgod ar y trip hefyd, ac oedd na rei o'r gang oedd di aros ar y cwch yn taflu darna o fara ata ni, oedd yn denu cannoedd o bysgod bach! Eitha ffyni tan bod nw'n dechra brathu! Oedd o'n lot mwy o hwyl chwara'r gem oddi ar y cwch, ac aimio'r bara at y snorclwyr! O'n i methu sdopio chwerthin!

Eniwe, sa well i fi fynd rwan, achos ma'n boring cal blog hir heb lunia. Da ni off i Malaysia dydd Gwenar, a be sy'n dda ydi bod lot o'r gang di newid eu plans i ddod lawr efo fi a Dan! Poblogaidd da ni! Pawb yn mynd i Awstralia wedyn hefyd, felly ma'n edrych fel fydda ni efo'r gang ma am reit hir!

O.N. Nesh i bympio fewn i Sion Ifan a Sioned (o coleg) yn Phi Phi - pa mor random di huna?! Do'n i heb weld neb Cymraeg am dros ddau fis, a mwya sydyn dwi'n bympio fewn i rywun dwi'n NABOD!

Un parti mawr

Dwi'n gwbod. Dwi'n rili slacio efo'r blog ma! Ond i fod yn deg, da ni heb neud fawr o ddim dros yr wsos a hannar dwytha. Gan bod fi dal methu rhoi llunia fyny ar y funud, nai gadw'r blog ma reit fyr. Da ni di bod yn Kho Panghan, sy jysd yn ynys fach sy'n enwog am y Full Moon Parties, sy'n denu hyd at 12,000 o bobol bob mis (gormod o "sy'n"s fanna!). Da ni di bod yn hangio allan efo gang mawr o Loegr, sy jysd yn lot o bobol yn trafeilio ar ben eu hunain a sy'n digwydd aros yn yr un lle. Ma nw i gyd yn hileriys, a dwi a Dan jysd di bod yn chwerthin drw dydd bob dydd am wsnos! Heddiw, da ni'n symud mlaen efo nw i Kho Samui, sef y trydydd o'r ynysoedd ar yr ochor yma o Thailand. Dwi'n gweld ni'n aros efo'n gilydd drw gweddill Thailand, a ma'n swnio fel bod pawb yn mynd i Awstralia nesa hefyd, felly da ni am drefnu cyfarfod fyny ar ddiwrnod Dolig!

So ia, da ni jysd di bod yn gorwadd wrth y pwll nofio drw dydd a mynd allan bob nos - ma bywyd yn dda!

Deifwyr Trwyddedig

Sori bod hwn mor hir yn cal ei sgwennu! Di cal e-mail yn rhoi row i fi gen Mari a bob dim! Ond yr unig reswm dwi heb sgwennu ydi am bod fi ddim di bod efo dim byd i ddeud tan bod ni wedi gorffan y cwrs deifio...

...Da ni yn Koh Tao ers dydd Llun, sef un o'r llefydd gora (a rhata) yn y byd i ddysgu scuba divio. Cwrs 4 diwrnod oedd o, ac oedd diwrnod 1 reit boring - gwers 2 awr mewn dosbarth, a cal gwaith adolygu cyn arholiad ar ddiwadd y cwrs! Do'n i'm yn disgwl sefyll arholiad arall mor fuan i ddeud y gwir, ond ma raid i fi gyfadda mai'r arholiad hawsa dwi rioed di gal oedd o (gen foi oedd yn gneud Ffilm a Theledu yn coleg)!

Ymlaen at y deifio ddo - mae o'n AMAZING. Y peth gora dwi rioed di neud, o bell ffor. Nath o gymyd dipyn i fi ddod i arfar efo anadlu'n normal dan y dwr, ond rwan mae o mor hawdd (er bod fi'n cal row weithia am iwsho gormod o aer - oedd raid i fi neud signal llaw keen heddiw i ddeud bod aer fi'n isal, tra oedd Dan yn panicio fwy na fi am y peth). Y diwrnod cynta o ddeifio, dim ond dysgu chydig o sgilia sylfaenol a chydig o ddeifio natha ni, ond nath Dan lwyddo i dwtchad y coral (sy'n ofnadwy o finiog), a oedd raid idda fo gal 5 stitch yn ei fys! Aw!

Heddiw, sef diwrnod ola'r cwrs, oedda ni'n nofio efo sharcod (oce, natha ni'm actually GWELD nw am bod y visibility'n wael, ond oedda nw yna - nath yr instructors weld nw). A natha ni fynd lawr tua 25 medr yn y dwr, oedd reit nyts. Os fysa chi di panicio, sa na'm chans i chi gyradd y lan mewn pryd! Ma Dan a fi am neud cwrs dau ddiwrnod o ddeifio Advanced hefyd, tra bod ni yma, a ma nw'n gaddo gawn ni nofio'n agosach efo siarcod troma - nai adal chi wbod sud oedd huna!

Eniwe, i orffan, jysd gair am y lle da ni'n aros. Y lle neisha da ni di bod yna fo (i fi, eniwe). Ynys fach iawn, efo traeth reit ar sdepan ein byngalo ni (literally). Ma'r môr mor gynnas hefyd, ond ar y funud ma deifio'n cymyd lot o'r dydd, a da ni'm rili isho mynd i fewn i'r môr syth ar ol bod yn deifio byth! Dyma ychydig o lunia o'r olygfa a ballu:

Nôl yn Thailand

Da ni nol yn Bangkok! Ar ol pythefnos mewn llefydd reit dlawd, oedd o'n eitha neis cyradd nol i ddinas fawr. Eniwe, ma raid i fi ddechra drw son am be natha ni yn Siem Reap yn Cambodia. Oedd o'n le reit neis, ond yr unig reswm oedda ni yna rili oedd er mwyn gweld Angkor Wat, sef llwythi o demla wrth ymyl ei gilydd. Oedd o reit amazing, hyd yn oed i ni, sy ddim yn ffans mawr o demla i ddeud y lleia. Yr un gora i fi oedd yr un ma lle gafodd Tomb Raider a Indiana Jones eu ffilmio - oedd o reit cwl:

Oedd y gweddill reit dda fyd, ond ar ol chydig o oria, oedda ni braidd yn fed up! Ma rhan fwya o bobol yn prynu tocyn tri diwrnod neu wsnos i ellu gweld bob un, ond oedda ni methu hyd yn oed para diwrnod llawn! Dyma chydig mwy o lunia eniwe:

So ar ol dau ddiwrnod yn Siem Reap, gatha ni fys 13 awr yn ol i Bangkok, a troma, natha ni lwyddo i ffeindio'r stryd lle ma'r trafeilwyr i gyd yn mynd, sef Khao San Road. Dwi'n falch bod ni di dod nol i Bangkok, achos do'n i'm yn keen ar y lle tro cynta rownd, ond dwi'n rili licio fo rwan. Dyma lun o Dan ar Khao San Road:

Eniwe, natha ni hefyd fynd i weld y Grand Palace tro'ma, ac oedd hwna reit cwl. Ma na bobol yn sgamio ni'n bob man ddo, yn trio cal ni i fynd i weld teml arall (sy ddim even yn un go iawn), gan ddeud bod y Grand Palace di cau - annoying ar ol dipyn. Ar ol bod yna, natha ni weld un boi oedd di deutha ni bod o di cau jysd cyn i ni fynd fewn, a nath o smalio darllan papur newydd i guddio ei wynab - jaman. Un peth ffyni yn y palas - am bod Dan yn gwisgo shorts (sy'n ddrwg mewn unrw demla), oedd raid idda fo gal menthyg par o drwsus arbennig. Dwi rioed di gweld gwisg mor afiach. Oedd o'n edrych fel bod o newydd ddianc o mental hospital:

Di'r sgidia ddim yn help chwaith! Oedd y palas yn amazing, aur yn bob man. Dyma lunia o'na fo:

Fel da chi gyd yn gwbod (tait os da chi ddim), oedd penblwydd Dan ddoe, felly atha ni allan efo tri boi o Sweden da ni di bod yn hangio rownd efo i ddathlu. Noson dda iawn, ond ma meddwl am fod ar fys am 16 awr heno yn gneud fi'n sal. O, ia, da ni'n mynd ar fys am 16 awr heno i lawr i'r ynysoedd - Ko Tao di'r stop cynta, lle da ni am neud cwrs deifio 4 diwrnod, fydd yn lot o hwyl gobeithio. Dwi methu disgwl i fod ar yr ynysoedd - ar ol y gwaith calad o drafeilio yn ddiweddar, dwi'n meddwl bod ni'n haeddu brêc...!

Huw - Dim Simon's oedd enw'r lle oedda ni'n aros, ond ma na loads o guest houses yn sbio dros y llyn does, so mashwr bod chdi'n aros yn agos i lle oedda ni!

Robin - Dim jysd Thailand da ni di bod, os sa chdi'n cymyd sylw! Ma Laos a Cambodia yn wledydd ar wahan - ignorant. Da ni nol yn Thailand rwan ddo tan diwadd Tachwedd!