G'day mate!

Helo o Sydney! Natha ni gyradd tua 9pm nos Sadwrn, a'r peth cynta natha ni oedd cysylltu efo gweddill y criw (sef Ade, Marcus a James) i weld pa hostel oedda nw'n aros yn. Mae o'n hostel reit neis, a ma na gegin a stafall fyw yma hefyd, felly ma'n teimlo yn union fel bod nol yn coleg rili. Mae o mor braf gellu cwcio i ni'n hunan eto, a peidio gorfod buta allan bob tro! Ma na Gymro arall yn aros yn yr hostel hefyd, sef Lee (ond mae o'n hwntw!).

Da ni heb neud lot o ddim byd ers cyradd, achos da ni isho ffeindio job a fflat neu dy i rentio cyn gynted a phosib rili. Methu disgwl i gal ty! Dwi'n ystyried gneud cwrs i fod yn barman hefyd, ond dibynnu os oes na alw am barmen neu beidio.

Gobeithio bod chi'n licio'r llunia nesh i roi fyny ar un o'r hen flogs - sori bod na'm llunia ar hwn, ond dydi chwilio am waith a siopa mewn supermarket ddim yn destun llunia rhy ddiddorol nadi?!

Malaysia a Singapore mewn wsnos

Gai jysd ddechra drw ddeud - LLUNIA!! Ma nw'n ol! Relief i chi ac i fi. Ac yn ail, sori bod fi (eto) heb sgwennu ers hir, ond rwan bod y llunia nol on track, dwi'n gaddo nai updatio yn amlach! (O ia, dwi methu rhoi llunia ar yr hen flogs ar y funud, achos ar camera fi ma nw, a ma batri hwna'n fflat...wps!). Eniwe, ma taith ni yn Asia bron drosodd rwan, a ma raid i fi ddeud, dwi'n eitha parod i adal - dwi methu disgwl i fod yn Awstralia yn ol mewn ryw fath o le "normal" eto, heb ddim traffarth na sdress yn nunlla! Ond cyn huna i gyd, da ni di bod yn brysur iawn dros yr wsos dwytha...

...I ddechra, natha ni adal Thailand ar fys 19 awr syth lawr i Kuala Lumpur, sef prifddinas Malaysia. Oedd o'n le reit braf, ond dim lot i neud yna chwaith. Natha ni fod reit ddiwylliedig a mynd i weld cwpwl o betha fel y twin towers mwya yn y byd, ond ar ol huna natha ni fynd i'r sinema i weld ffilm James Bond newydd, felly oedd huna'n canslo'r gwaith da allan! (O.N. Ma'r ffilm yn dda iawn).

Da ni dal efo'r un gang, ond mae o di mynd lawr i wyth ona ni rwan. Dyma lun o'na ni ar y bont sy'n cysylltu'r ddau dwr:

A dyma lun o Dan ar ben ei hun ar y bont (yn gneud gwynab coci):

Mond Kuala Lumpur atha ni i yn Malaysia, cyn mynd lawr i Singapore (yndi, ma'n wlad wahanol apparently). Ma'n le eitha bizarre, achos mae o jysd fel prifddinas hollol fodern a clinical, ond does na'm byd am y lle yn gneud o'n arbennig i Asia, os da chi'n dalld. Sa ni'n gellu bod yn rwla yn y byd i ddeud y gwir.

Neithiwr wedyn, i ddathlu noson ola pawb efo'i gilydd, atha ni allan i le posh iawn i drio'r Singapore Sling, diod enwog iawn (a reit neis hefyd). Dyma Dan a fi yn trio'r diod merchetaidd!

A dyna ni! Mae o mor braf gellu rhoi llunia fyny i ddangos i chi'n iawn be da ni'n neud! Syth pan nai gyradd Awstralia dwi am roi llunia fyny ar y blogs dwytha hefyd! Tan Awstralia felly, traaaa!

Mwnciod gwyllt a traeth enwog

Helo! Tro dwytha nesh i sgwennu oedda ni yn Kho Pha Ngan, ac o fana atha ni lawr i'r ynys ola o'r tair, sef Kho Samui - nath y gang i gyd sdicio efo'i gilydd, a natha ni rentio 3 jeep i ddreifio rownd yr ynys - lot o hwyl! Dim ond am ddwy noson oedda ni yna, a wedyn natha ni gyd symud i ochor arall y wlad i Kho Phi Phi (pi-pi!! - sori).

Ma'r lle yma yn riiiiili neis, ac ar y noson gynta, oedda ni'n aros mewn lle rili posh. I Dan a fi, sy di arfar efo cysgu mewn llefydd reit afiach, oedd o'n nefoedd i gal cawod boeth ac air-con yn y sdafall! Dwi'n meddwl mai un o'r llefydd neisha dwi rioed di aros yn! Oedd raid i ni symud ar yr ail ddiwrnod ddo, a rwan da ni reit ar y traeth, nol i'r math o sdafall da ni wedi hen arfar efo!

Diwrnod o blaen, natha ni fynd am drip cwch am y diwrnod, i weld lot o wahanol betha rownd yr ynys, gan gynnwys y traeth enwog lle gath The Beach ei ffilmio. Oedd o'n draeth amazing, a'r tywod neisha dwi rioed di sefyll arna fo. Oedd o'n biti braidd bod y lle di troi'n tourist attraction erbyn rwan, achos swn i di licio gweld o heb fawr o neb yna. Highlight arall y trip oedd Monkey Beach, sef traeth llawn o fwnciod (shoc). Oedd o reit nyts bod mor agos i fwnciod gwyllt, ac oedd na rei mawr yn gwarchod y rhei bach os oedda chi'n mynd yn agos atyn nhw!

O, ia, dwi di anghofio am y thing mwya ffyni - oedda ni'n snorclo efo pysgod ar y trip hefyd, ac oedd na rei o'r gang oedd di aros ar y cwch yn taflu darna o fara ata ni, oedd yn denu cannoedd o bysgod bach! Eitha ffyni tan bod nw'n dechra brathu! Oedd o'n lot mwy o hwyl chwara'r gem oddi ar y cwch, ac aimio'r bara at y snorclwyr! O'n i methu sdopio chwerthin!

Eniwe, sa well i fi fynd rwan, achos ma'n boring cal blog hir heb lunia. Da ni off i Malaysia dydd Gwenar, a be sy'n dda ydi bod lot o'r gang di newid eu plans i ddod lawr efo fi a Dan! Poblogaidd da ni! Pawb yn mynd i Awstralia wedyn hefyd, felly ma'n edrych fel fydda ni efo'r gang ma am reit hir!

O.N. Nesh i bympio fewn i Sion Ifan a Sioned (o coleg) yn Phi Phi - pa mor random di huna?! Do'n i heb weld neb Cymraeg am dros ddau fis, a mwya sydyn dwi'n bympio fewn i rywun dwi'n NABOD!

Un parti mawr

Dwi'n gwbod. Dwi'n rili slacio efo'r blog ma! Ond i fod yn deg, da ni heb neud fawr o ddim dros yr wsos a hannar dwytha. Gan bod fi dal methu rhoi llunia fyny ar y funud, nai gadw'r blog ma reit fyr. Da ni di bod yn Kho Panghan, sy jysd yn ynys fach sy'n enwog am y Full Moon Parties, sy'n denu hyd at 12,000 o bobol bob mis (gormod o "sy'n"s fanna!). Da ni di bod yn hangio allan efo gang mawr o Loegr, sy jysd yn lot o bobol yn trafeilio ar ben eu hunain a sy'n digwydd aros yn yr un lle. Ma nw i gyd yn hileriys, a dwi a Dan jysd di bod yn chwerthin drw dydd bob dydd am wsnos! Heddiw, da ni'n symud mlaen efo nw i Kho Samui, sef y trydydd o'r ynysoedd ar yr ochor yma o Thailand. Dwi'n gweld ni'n aros efo'n gilydd drw gweddill Thailand, a ma'n swnio fel bod pawb yn mynd i Awstralia nesa hefyd, felly da ni am drefnu cyfarfod fyny ar ddiwrnod Dolig!

So ia, da ni jysd di bod yn gorwadd wrth y pwll nofio drw dydd a mynd allan bob nos - ma bywyd yn dda!

Deifwyr Trwyddedig

Sori bod hwn mor hir yn cal ei sgwennu! Di cal e-mail yn rhoi row i fi gen Mari a bob dim! Ond yr unig reswm dwi heb sgwennu ydi am bod fi ddim di bod efo dim byd i ddeud tan bod ni wedi gorffan y cwrs deifio...

...Da ni yn Koh Tao ers dydd Llun, sef un o'r llefydd gora (a rhata) yn y byd i ddysgu scuba divio. Cwrs 4 diwrnod oedd o, ac oedd diwrnod 1 reit boring - gwers 2 awr mewn dosbarth, a cal gwaith adolygu cyn arholiad ar ddiwadd y cwrs! Do'n i'm yn disgwl sefyll arholiad arall mor fuan i ddeud y gwir, ond ma raid i fi gyfadda mai'r arholiad hawsa dwi rioed di gal oedd o (gen foi oedd yn gneud Ffilm a Theledu yn coleg)!

Ymlaen at y deifio ddo - mae o'n AMAZING. Y peth gora dwi rioed di neud, o bell ffor. Nath o gymyd dipyn i fi ddod i arfar efo anadlu'n normal dan y dwr, ond rwan mae o mor hawdd (er bod fi'n cal row weithia am iwsho gormod o aer - oedd raid i fi neud signal llaw keen heddiw i ddeud bod aer fi'n isal, tra oedd Dan yn panicio fwy na fi am y peth). Y diwrnod cynta o ddeifio, dim ond dysgu chydig o sgilia sylfaenol a chydig o ddeifio natha ni, ond nath Dan lwyddo i dwtchad y coral (sy'n ofnadwy o finiog), a oedd raid idda fo gal 5 stitch yn ei fys! Aw!

Heddiw, sef diwrnod ola'r cwrs, oedda ni'n nofio efo sharcod (oce, natha ni'm actually GWELD nw am bod y visibility'n wael, ond oedda nw yna - nath yr instructors weld nw). A natha ni fynd lawr tua 25 medr yn y dwr, oedd reit nyts. Os fysa chi di panicio, sa na'm chans i chi gyradd y lan mewn pryd! Ma Dan a fi am neud cwrs dau ddiwrnod o ddeifio Advanced hefyd, tra bod ni yma, a ma nw'n gaddo gawn ni nofio'n agosach efo siarcod troma - nai adal chi wbod sud oedd huna!

Eniwe, i orffan, jysd gair am y lle da ni'n aros. Y lle neisha da ni di bod yna fo (i fi, eniwe). Ynys fach iawn, efo traeth reit ar sdepan ein byngalo ni (literally). Ma'r môr mor gynnas hefyd, ond ar y funud ma deifio'n cymyd lot o'r dydd, a da ni'm rili isho mynd i fewn i'r môr syth ar ol bod yn deifio byth! Dyma ychydig o lunia o'r olygfa a ballu:

Nôl yn Thailand

Da ni nol yn Bangkok! Ar ol pythefnos mewn llefydd reit dlawd, oedd o'n eitha neis cyradd nol i ddinas fawr. Eniwe, ma raid i fi ddechra drw son am be natha ni yn Siem Reap yn Cambodia. Oedd o'n le reit neis, ond yr unig reswm oedda ni yna rili oedd er mwyn gweld Angkor Wat, sef llwythi o demla wrth ymyl ei gilydd. Oedd o reit amazing, hyd yn oed i ni, sy ddim yn ffans mawr o demla i ddeud y lleia. Yr un gora i fi oedd yr un ma lle gafodd Tomb Raider a Indiana Jones eu ffilmio - oedd o reit cwl:

Oedd y gweddill reit dda fyd, ond ar ol chydig o oria, oedda ni braidd yn fed up! Ma rhan fwya o bobol yn prynu tocyn tri diwrnod neu wsnos i ellu gweld bob un, ond oedda ni methu hyd yn oed para diwrnod llawn! Dyma chydig mwy o lunia eniwe:

So ar ol dau ddiwrnod yn Siem Reap, gatha ni fys 13 awr yn ol i Bangkok, a troma, natha ni lwyddo i ffeindio'r stryd lle ma'r trafeilwyr i gyd yn mynd, sef Khao San Road. Dwi'n falch bod ni di dod nol i Bangkok, achos do'n i'm yn keen ar y lle tro cynta rownd, ond dwi'n rili licio fo rwan. Dyma lun o Dan ar Khao San Road:

Eniwe, natha ni hefyd fynd i weld y Grand Palace tro'ma, ac oedd hwna reit cwl. Ma na bobol yn sgamio ni'n bob man ddo, yn trio cal ni i fynd i weld teml arall (sy ddim even yn un go iawn), gan ddeud bod y Grand Palace di cau - annoying ar ol dipyn. Ar ol bod yna, natha ni weld un boi oedd di deutha ni bod o di cau jysd cyn i ni fynd fewn, a nath o smalio darllan papur newydd i guddio ei wynab - jaman. Un peth ffyni yn y palas - am bod Dan yn gwisgo shorts (sy'n ddrwg mewn unrw demla), oedd raid idda fo gal menthyg par o drwsus arbennig. Dwi rioed di gweld gwisg mor afiach. Oedd o'n edrych fel bod o newydd ddianc o mental hospital:

Di'r sgidia ddim yn help chwaith! Oedd y palas yn amazing, aur yn bob man. Dyma lunia o'na fo:

Fel da chi gyd yn gwbod (tait os da chi ddim), oedd penblwydd Dan ddoe, felly atha ni allan efo tri boi o Sweden da ni di bod yn hangio rownd efo i ddathlu. Noson dda iawn, ond ma meddwl am fod ar fys am 16 awr heno yn gneud fi'n sal. O, ia, da ni'n mynd ar fys am 16 awr heno i lawr i'r ynysoedd - Ko Tao di'r stop cynta, lle da ni am neud cwrs deifio 4 diwrnod, fydd yn lot o hwyl gobeithio. Dwi methu disgwl i fod ar yr ynysoedd - ar ol y gwaith calad o drafeilio yn ddiweddar, dwi'n meddwl bod ni'n haeddu brêc...!

Huw - Dim Simon's oedd enw'r lle oedda ni'n aros, ond ma na loads o guest houses yn sbio dros y llyn does, so mashwr bod chdi'n aros yn agos i lle oedda ni!

Robin - Dim jysd Thailand da ni di bod, os sa chdi'n cymyd sylw! Ma Laos a Cambodia yn wledydd ar wahan - ignorant. Da ni nol yn Thailand rwan ddo tan diwadd Tachwedd!

Depressing o flog

Gai jysd ymddiheuro ymlaen llaw am y blog mwya depressing fydd raid i fi ei sgwennu drw'r flwyddyn (gobeithio). Tro dwytha nesh i sgwennu oedda ni dal yn Laos, ond rwan da ni di dod lawr i Cambodia, ac i'r brifddinas sef Phnom Penh. Ma na hanas rili trist tu ol i'r lle, a dyma un o'r llefydd oedd Pol Pot (y boi oedd yn lladd pobol am wisgo sbectol) yn lladd pobol yn y 70au (sgeri bod o mor agos - tua 2 filiwn o Cambodians wedi'u lladd). Eniwe, dydd Sadwrn atha ni i weld y killing fields, sef lle oedd y cyrff i gyd yn cael eu taflu ar ben ei gilydd. Eitha afiach, achos ma na dal ddarna o esgyrn a dillad i weld ar lawr. Y peth mwya afiach ddo oedd twr efo MILOEDD o skulls wedi'u trefnu yn ol oed - oedd o'n anodd meddwl bod pob un ohonyn nhw di bod yn bobol go iawn.

Ar ol fana, atha ni i weld y jel lle oedda nw'n cal eu cadw, oedd yn arfar bod yn ysgol cyn i Pol Pot droi o'n garchar - i roi syniad i chi o pa mor serious oedd y lle, dyma'r sein oedd wrth y fynedfa:

Dwi'n teimlo'n ddrwg wan am neud joc o'r peth! Ond na, oedd y lle yn rili trist, a oedda ni'n gellu gweld celloedd tiny y bobol, ac mewn un sdafall oedd na jysd miloedd o headshots y bobol gafodd eu cadw yn y carchar, cyn mynd ymlaen i gael eu lladd.

Eniwe, dyna ddiwadd y sdwff depressing - ar nodyn mwy ysgafn, yn syth ar ol bod yn y killing fields a'r jel, nath Dan feddwl sa fo'n syniad da mynd i'r shooting range i gal go ar saethu gwn (do, dwi wedi sbotio'r eironi). Do'n i ddim isho go, achos nabod fi, sw'n i di endio fyny yn saethu fy hun, neu rywun arall, neu fy hun A rywun arall. Ond gath Dan saethu AK-47 am $30! (Con). Er bod fi heb gal saethu, gesh i dynu llun efo gwn (a Dan fyd - sbotiwch pwy sy'n stiff efo gwn a pwy sy'n sgeri o naturiol efo DAU):

Oedd y lle oedda ni'n aros yn Phnom Penh yn rili neis, ac yn cal ei redag gen deulu rili neis. Dyna pam natha ni endio fyny yn aros tan ddoe! Oedd y gwesty reit ar lan llyn, a dyma'r olygfa oedd gena ni o le buta'r gwesty:

Un peth annoying ddo, ar y diwrnod ola, nath Dan ffeindio trap llygodan o dan ei wely, efo llygodan arna fo! Eitha afiach meddwl bod ni di bod yn rhannu sdafall am 4 noson efo llygodan. Oedd o dal yn fyw fyd! (Dwi'n teimlo'n tait ar y cockroach, achos oedd o jysd yn y lle rong ar yr amsar rong):

Iawn, dwi'n gorfod mynd rwan - da ni yn Siem Reap ers neithiwr i weld y temla amazing ma (nai son mwy fory gobeithio!), a ma na night life rili da yma! Hefyd, da ni'n cychwyn nol am Bangkok yn gynnar fory, felly gena fi waith pacio i neud. Taaa!

O.N. Gobeithio bod chi'n licio cal loads o lunia, di ffeindio cyfrifiadur efo connection da o'r diwadd!

"Row, row, row!!!"

Helo! Cal gwell lwc efo rhoi llunia fyny erbyn rwan felly o'n i'n meddwl sa well i fi sgwennu chydig! Tro dwytha i fi sgwennu oedda ni'n bwriadu cal bys nos i lawr i'r Four Thousand Islands am 12 awr, felly ar y diwrnod yna, atha ni i'r bus station yn ddigon buan (tua 1) efo'r bwriad o fwcio tocyn ar gyfar bys VIP yn y nos. Ond pan natha ni gyradd, a deud lle oedda ni isho mynd, nath na gang o ddynion amgylchynu ni, cymyd ein bagia, a'r peth nesa dwi'n cofio ydi bod ni'n isda ar fys cyhoeddus, oedd yn cymyd 5 awr yn hirach na'r un VIP! Nath o i gyd ddigwydd mor sydyn, a mae o jysd yn un blur mawr! Eniwe, doedd y daith ddim yn ddrwg digwydd bod, ac os fysa ni di mynd yn y nos, sa ni di colli allan ar olygfeydd fel hyn:

Oedd na foi lleol reit glên ar y bys hefyd, a oedd o'n despret braidd i neud ffrindia. Ar ol i ni roi ein e-mails idda fo (ar ol idda FO ofyn amdanyn nhw!), nath o droi rownd a deud "Thank you! I have no e-mail." Bechod!

Oedd y Four Thousand Islands (neu Si Pha Don yn Laos) yn reit amazing, ac oedda ni'n aros ar ynys fach yn y gwaelod o'r enw Don Det. Y lle mwya random dani di bod o bell ffor. Doedd na ddim trydan, dim siopa iawn, a dim lot o ddim byd! Oedd huts ni reit ar lan yr afon, ac oedd gena ni hamoc yr un! Oedd raid i ni fynd a torch allan efo ni bob nos (torch sy ddim angan batris, sy wedi bod yn handi iawn! Diolch i Gwenno, Huw, Tomos ac Anna eto). Ar y diwrnod cynta, natha ni neud tubing eto, am bod o wedi bod mor relaxing tro cynta rownd. Doedd o ddim cweit mor relaxing tro'ma. Nath o ddechra off yn iawn, jysd gorwadd nol ar y tiwb, ond ar ol yr hannar awr cynta, ddoth y boi ata fi ar ei gwch a deutha fi am ddechra rhwyfo fel nytar tuag at ochor chwith yr afon - "row, row, row!" oedd o'n weiddi, a doedd o ddim yn hapus efo faint o ymdrech o'n i'n rhoi mewn i'r rhwyfo chwaith! Ath o at Dan wedyn i weiddi'r un fath, ond yn lle gweld Dan yn rhwyfo at ochor chwith y lan, nesh i weld o'n nofio at yr ochor dde, lle oedd yr afon yn sblitio'n ddau efo current cry. O'n i'n cymyd mai fi oedd di camddalld, felly dilyn Dan nesh i. Misdec. Oedd Dan di meddwl bod y boi yn pwyntio at ochor chwith y lan ac yn gweiddi "no, no, no!"! Felly atha ni'n dau lawr rhan beryg yr afon, yn trio gweithio'n galad yn erbyn y lli, ond methu - oedd raid i'r boi achub ni ar y cwch yn diwadd!

Yn y nos wedyn, atha ni i'r dafarn leol, lle oedd na fwnci yn byw. Oedd y mwnci bach ma yn byw ar steps pren yng nghefn y dafarn (y math o sdeps lle does na ddim cefn idda nw, jysd slabs o bren math o beth, a oedd y mwnci ar y sdeps, a ni o dan y sdeps, a chaen o'i wddw at waelod y grisia - detail pwysig at nes ymlaen!). Eniwe, bob tro oedd Dan yn mynd at y mwnci ma, oedd o'n neidio ar ei ysgwydd o ac yn gafal rownda fo. O'n i'n trio profi mai ffliwc oedd o bob tro, drw fynd ata fo fy hun, ond doedd o byth yn dod ata fi. OND, ar y tua degfed tro, ar ol chydig o tips gen Dan Dolittle, nath y mwnci neidio ar ysgwydd fi. Wel, bron. Nath o neidio mor wyllt, nesh i ddychryn, a nesh i ollwng fo - rhwng y sdeps. So rwan oedd y mwnci yn hongian gerfydd ei wddw ar y chaen oedd yn sownd i'r sdeps! Mi fysa lladd mwnci'r dafarn wedi bod yn eitha drwg, felly wrth reswm, o'n i'n panicio'n lan. O'n i'n trio pigo fo fyny o hyd, ond oedd o'n mynd yn wyllt ei hun! Oedd Dan yna efo ei law dros ei lygid, tra o'n i'n cal scuffle efo'r mwnci bach ma (oedd erbyn rwan yn sgrechian). Yn diwadd, nesh i lwyddo i godi fo ac achub ei fywyd, ond esh i ddim yn ol ata fo ar ol huna. O diar! Yn anffodus, gatha ni ddim llun o'r mwnci, felly da chi di darllan chunk mawr o sgwennu heb ddim byd i weld! I neud fyny am hyn, dyma lun (reit hen) o Dan a fi:

Tiwbio yn Vang Vieng

Helo! Sori bod fi heb sgwennu ers hiiiir, ond dwi di bod yn trio ffeindio cyfrifiadur sy'n gadal i fi roi llunia fi fyny ar y blog dwytha (14/10/06 - ac wedi erbyn hyn o'r diwadd!). Dydd Gwenar natha ni adal Luang Prabang yn y bora, a cal taith 7 awr ar fys lawr i Vang Vieng. Oedda ni di trefnu cyfarfod y tair o Iwerddon SLASH yr Almaen y noson yna, felly gatha ni noson allan dda efo nw (a Mark o Canada).

Bora dydd Sadwrn wedyn, natha ni fynd yn syth i neud y tubing. Oedd y genod di neud o diwrnod cynt, felly oedd gena ni syniad reit dda be i ddisgwl. Be oedd o oedd tu fewn teiar tractor (sy union fel rubber ring mawr du), a mynd lawr yr afon yn slo bach ar gefn hwna. Oedd na dafarndai a llefydd i sdopio ar y ffordd hefyd, a'r ffor i fynd yn ol i'r afon oedd ar zip wire - digon hawdd, o'n i'n meddwl. Doedd o ddim. Nesh i drio, a methu, a disgyn yn syth bron! Wps. Esh i ddim trio unrw le ar ol huna chwaith, rhag ofn gneud ffwl o fy hun eto! Oedd mynd ar hyd yr afon yn rili braf, a oedd yr olygfa rownda ni yn amazing - dyma lun o'na fi yn bod yn wimp a neidio fewn i'r dwr yn lle:

Doedd na'm lot ar wahan i huna i neud yn Vang Vieng (yr highlight i fi oedd tafarn oedd yn dangos Friends ar repeat drw dydd!), felly natha ni benderfynu symud ymlaen eto ddoe i Vientiane, sef y brifddinas. Dio'n fawr o brifddinas rili chwaith, a da ni heb neud fawr o ddim yma! Jysd sdop ar y ffor i'r lle nesa ydio i ni, sef y Four Thousand Islands sy reit yng ngwaelod Laos ar y ffin efo Cambodia. Oes, ma gena ni siwrna bys 12 awr ar y ffor - afiach go iawn. Gobeithio fydd o ddim mor cramped ac anghyfforddus a'r rhei da ni di cal yn ddiweddar!

Un lawr, deg i fynd

Helo! Da ni dal yn Luang Prabang, a da ni'n cal amsar rili da yma. Peth cynta natha ni ddoe oedd dringo fyny ryw fryn i weld teml oedd reit ar y top, a gatha ni olygfa amazing o'r dre - rili gneud ni sylwi bod ni ddim yn Thailand dim mwy, achos ma fama lot gwyrddach, efo palm trees yn tyfu rhwng bob ty!

Wedyn atha ni i'r rhaeadr na nesh i son am, a oedd o looooads gwell na'r un natha ni weld yn Pai. Oedda ni'n nofio yna fo, a deifio fewn o un tier i'r llall a betha - lot o hwyl, ac un o'r petha gora dwi di neud ers bod yma dwi'n meddwl.

Heddiw wedyn natha ni fynd i raeadr arall efo dwy hogan natha ni gyfarfod neithiwr. Anna di enw un, o Iwerddon, a Whitney di'r llall o America.

Ma Whitney yn hilarious (mai'n atgoffa fi o Heulwen Ffrind Gwerfyl - sy'n golygu dim byd i'r rhan fwya o'na chi!), a mai'n deud 'honey' weithia i fod yn patronising (ond ma'n ffyni). Er enghraifft:

Fi: Do you eat turkey at Christmas?

Hi: No, that's Thanksgiving honey.

So ma hi di bod yn crackio Dan a fi fyny drw dydd, a heno da ni'n cyfarfod nw am fwyd. Gath Anna ei brathu gen neidr ar y ffor fyny i'r rhaeadr, oedd reit sgeri, achos doedda ni'm yn gwbod os oedd o'n wenwynig neu beidio! Mai dal yn fyw, felly dwi'n cymyd bod o ddim! Dyma lun o'na fo:

Oedd na le i weld teigr yna fyd, a oedd o'n nyts pa mor agos oedda ni'n gellu mynd ata fo - gatha ni hyd yn oed twtchad fo! Oedd o reit sgeri mynd reit ata fo a gneud eye contact! Dyma lun o Dan yn rhoi o bach idda fo (slash ddim hyd yn oed yn twtchad am bod o ofn):

Da ni'n gadal Luang Prabang fory a mynd i Vang Vieng (neu rwbath felna!), lle gawn ni neud 'tubing', sy'n swnio'n hwyl. Bedio ydi mynd lawr yr afon ar olwyn fawr. Nai adal chi wbod sut ath o!

O.N. Mis di mynd yn barod, wedi fflio! Mond deg i fynd!

Y Car Gwyn yn Laos

Helo! Da ni di cyradd Laos o'r diwadd! I'r rhei o'na chi sy'n keen yn dilyn ein taith efo map, natha ni gal cwch o Chiang Khong ar hyd ar afon Mekong yr holl ffor i Luang Prabang, a nath o gymyd dau ddiwrnod, oedd ddim yn lot o hwyl - lot gwell na bod ar fys ddo!

Oedda ni'n aros mewn pentra random ar y noson gynta, oedd yn llawn o bobol yn trio gwerthu drygs i ni, drw smalio trio gneud sgwrs gynta. Oedda ni efo boi o Canada ar y pryd, a dyma oedd y "sgwrs":

Dryg dealer: Hi! Where you from?

Ni: Wales.

Fo: Canada.

Dryg dealer: England is good Canada is good do you smoke?

Chwara teg idda fo am neud ymdrech ddo(!)

Da ni dal yn Luang Prabang rwan. Ma'n eitha anodd cofio bod ni mewn gwlad wahanol weithia, achos ma nw'n reit debyg, ond ma'r currency yma'n od iawn - dwi bron yn millionaire efo gwerth tri deg punt! Eitha cwl dal wads mawr o notes, teimlo fatha pres Monopoly!

Neithiwr, atha ni allan efo tair oedda ni di dod i nabod ar y cwch (dwy o Iwerddon, un posh o'r Almaen sy'n trio sharad Saesneg posh ond yr acen Almaeneg yn dod nol pan mai di meddwi), a newch chi byth gesho be nesh i weld - y CAR GWYN!! Dyma lun i brofi'r peth:

Un peth ffyni arall oedd ryw begar hen yn gwisgo dim ond sarong (oce ma'n swnio fwy tait na ffyni, ond daliwch efo fi) oedd yn dod rownd bwr ni tua literally pump gwaith yn begio. Ond dim begio cyffredin, ond ryw ddawns begio bizarre efo'i geg ar agor, ac oedd o'n dewis un person i stario arnyn nhw, ac aros yna am tua munud. Mae o fod yn enwog rownd Luang Prabang, a weithia ma'n newid ei gostume a dod a props allan hefyd, felly edrych mlaen i weld o heno!

Heddiw da ni am fynd i weld rhaeadr (waterfall i'r rhei thic), sy fod yn LOT gwell na'r un natha ni weld yn Pai. Nai adal chi wbod fory os di huna'n wir!

Pawb oedd yn Aber nos Sadwrn - Diolch am feddwl amdana fi, ond lwcus i chi bod batri ffon fi'n fflat, achos a) sa fo di bod yn ddrud i chi a fi, a b) sa chi di deffro fi am tua 5 yn bora, a swn i heb fod yn rhy hapus! Na, gobeithio gatha chi gyd laff, nesh i feddwl amdana chi nos Sadwrn efo dagra yn fy llygaid!

Chiang Mai, Chiang Rai, a Chiang Khong

Helo! Dim ond wedi meddwl swn i'n gadal negas fach yn deud lle da ni ar y funud. Ar ol noson ola yn Pai efo Dom "fi, fi, fi", y boi oedd, yng ngeiria Dan, yn "gneud i calon fi frifo", natha ni adal ar fys 12 o gloch pnawn. Un broblem ddo, oedd raid i ni fynd yn ol i Chiang Mai cyn gellu mynd unryw faint uwch. Am bod ni di cal gymaint o draffarth gadal Chiang Mai tro cynta, natha ni benderfynu sa hi'n well i ni ddal bys yn syth o fana fyny i Chiang Rai. Dyna lle natha ni aros neithiwr (nos Sadwrn), a ben bora ma, gatha ni fys arall fyny at y bordor, sef lle o'r enw Chiang Khong (confusing, dwi'n gwbod). Oedda ni di bwriadu croesi drosodd i Laos heddiw, ond be natha ni ddim rhagweld oedd y bysa'r bancs i gyd di cau ar ddydd Sul, ac felly da ni methu newid pres tan fory! O, wel, da ni di bwcio fo rwan, ac yn gadal bora fory - so'r tro nesa fydda i'n sgwennu, fydda i yn Laos go iawn!

O.N. Sori am beidio rhoi llunia, ond di llunia o Dan a fi yn cysgu ar wahanol fysus ddim yn ddiddorol iawn nadi?!

Fi, fi, fi...

Hai o Pai! Sori bod fi'n slacio efo'r blog, ond gena fi ddim lot i ddeud, achos da ni jysd di bod yn diogi go iawn dros yr ychydig ddyddia dwytha. Diwrnod o blaen, natha ni'n dau rentio scooter yr un, er mwyn i ni ellu dreifio rownd at waterfalls a betha. Oedd na un rhaeadr yn amhosib i'w gyradd, felly oedd raid i ni droi nol (a nesh i lwyddo i ddisgyn off eto - grr!), ond oedd y rhaeadr arall werth ei weld, hyd yn oed jysd er mwyn cal gweld y sein yma:

Nath Dan fynd fewn i nofio dan y rhaeadr, ond oedd o braidd rhy oer i fi!

Un peth dwi ddim yn licio am Pai ddo ydi bod y rhan fwya o deithwyr sy' rownd yn lyfio sharad amdana nw eu hunain - fi fi fi dio gen pawb bron, sy'n boring ar ol dipyn! Am bod ni'n fed up o glywad barn pawb am bob dim, da ni am adal fory, a mynd fyny i Laos, sy fod yn wlad rili neis, a wedi datblygu llai na Thailand, felly dwnim os fedra i blogio am dipyn. Er, ma na internet yn bob man dwi di weld so far, felly sw'n i'm yn synnu os fysa na internet yn Laos hefyd! I orffan, dyma lun arall o'r olygfa yn y rhaeadr (a Dan yn fach yn y gornal waelod).

Dad - Dwi'n gwbod bod chdi'n meddwl bod hyn yn annoying, ond y point ydi bod chdi ddim yn fod i ddarllen negeseuon pobol erill!
Mari a Ioan - Di gweld cwpwl o clips Extras online rwan, a ma'n edrych yn rili ffyni! Ma'n bosib watchad episodes cyfa online, felly ella mai dyna be nai pan gai amsar (slash ydio'n weird a awkward rhannu neges i chi a chitha ddim rili'n nabod eich gilydd?!)
Robin - Sut ffon ti di cal? Yr un rhif ti efo?
Leri - Dwi'n gwbod be ti'n feddwl am y traffic yma - ma fatha bod anything goes! Lot o bobol yn reidio wrth ymyl ei gilydd i sharad!