Deifwyr Trwyddedig

Sori bod hwn mor hir yn cal ei sgwennu! Di cal e-mail yn rhoi row i fi gen Mari a bob dim! Ond yr unig reswm dwi heb sgwennu ydi am bod fi ddim di bod efo dim byd i ddeud tan bod ni wedi gorffan y cwrs deifio...

...Da ni yn Koh Tao ers dydd Llun, sef un o'r llefydd gora (a rhata) yn y byd i ddysgu scuba divio. Cwrs 4 diwrnod oedd o, ac oedd diwrnod 1 reit boring - gwers 2 awr mewn dosbarth, a cal gwaith adolygu cyn arholiad ar ddiwadd y cwrs! Do'n i'm yn disgwl sefyll arholiad arall mor fuan i ddeud y gwir, ond ma raid i fi gyfadda mai'r arholiad hawsa dwi rioed di gal oedd o (gen foi oedd yn gneud Ffilm a Theledu yn coleg)!

Ymlaen at y deifio ddo - mae o'n AMAZING. Y peth gora dwi rioed di neud, o bell ffor. Nath o gymyd dipyn i fi ddod i arfar efo anadlu'n normal dan y dwr, ond rwan mae o mor hawdd (er bod fi'n cal row weithia am iwsho gormod o aer - oedd raid i fi neud signal llaw keen heddiw i ddeud bod aer fi'n isal, tra oedd Dan yn panicio fwy na fi am y peth). Y diwrnod cynta o ddeifio, dim ond dysgu chydig o sgilia sylfaenol a chydig o ddeifio natha ni, ond nath Dan lwyddo i dwtchad y coral (sy'n ofnadwy o finiog), a oedd raid idda fo gal 5 stitch yn ei fys! Aw!

Heddiw, sef diwrnod ola'r cwrs, oedda ni'n nofio efo sharcod (oce, natha ni'm actually GWELD nw am bod y visibility'n wael, ond oedda nw yna - nath yr instructors weld nw). A natha ni fynd lawr tua 25 medr yn y dwr, oedd reit nyts. Os fysa chi di panicio, sa na'm chans i chi gyradd y lan mewn pryd! Ma Dan a fi am neud cwrs dau ddiwrnod o ddeifio Advanced hefyd, tra bod ni yma, a ma nw'n gaddo gawn ni nofio'n agosach efo siarcod troma - nai adal chi wbod sud oedd huna!

Eniwe, i orffan, jysd gair am y lle da ni'n aros. Y lle neisha da ni di bod yna fo (i fi, eniwe). Ynys fach iawn, efo traeth reit ar sdepan ein byngalo ni (literally). Ma'r môr mor gynnas hefyd, ond ar y funud ma deifio'n cymyd lot o'r dydd, a da ni'm rili isho mynd i fewn i'r môr syth ar ol bod yn deifio byth! Dyma ychydig o lunia o'r olygfa a ballu:

Nôl yn Thailand

Da ni nol yn Bangkok! Ar ol pythefnos mewn llefydd reit dlawd, oedd o'n eitha neis cyradd nol i ddinas fawr. Eniwe, ma raid i fi ddechra drw son am be natha ni yn Siem Reap yn Cambodia. Oedd o'n le reit neis, ond yr unig reswm oedda ni yna rili oedd er mwyn gweld Angkor Wat, sef llwythi o demla wrth ymyl ei gilydd. Oedd o reit amazing, hyd yn oed i ni, sy ddim yn ffans mawr o demla i ddeud y lleia. Yr un gora i fi oedd yr un ma lle gafodd Tomb Raider a Indiana Jones eu ffilmio - oedd o reit cwl:

Oedd y gweddill reit dda fyd, ond ar ol chydig o oria, oedda ni braidd yn fed up! Ma rhan fwya o bobol yn prynu tocyn tri diwrnod neu wsnos i ellu gweld bob un, ond oedda ni methu hyd yn oed para diwrnod llawn! Dyma chydig mwy o lunia eniwe:

So ar ol dau ddiwrnod yn Siem Reap, gatha ni fys 13 awr yn ol i Bangkok, a troma, natha ni lwyddo i ffeindio'r stryd lle ma'r trafeilwyr i gyd yn mynd, sef Khao San Road. Dwi'n falch bod ni di dod nol i Bangkok, achos do'n i'm yn keen ar y lle tro cynta rownd, ond dwi'n rili licio fo rwan. Dyma lun o Dan ar Khao San Road:

Eniwe, natha ni hefyd fynd i weld y Grand Palace tro'ma, ac oedd hwna reit cwl. Ma na bobol yn sgamio ni'n bob man ddo, yn trio cal ni i fynd i weld teml arall (sy ddim even yn un go iawn), gan ddeud bod y Grand Palace di cau - annoying ar ol dipyn. Ar ol bod yna, natha ni weld un boi oedd di deutha ni bod o di cau jysd cyn i ni fynd fewn, a nath o smalio darllan papur newydd i guddio ei wynab - jaman. Un peth ffyni yn y palas - am bod Dan yn gwisgo shorts (sy'n ddrwg mewn unrw demla), oedd raid idda fo gal menthyg par o drwsus arbennig. Dwi rioed di gweld gwisg mor afiach. Oedd o'n edrych fel bod o newydd ddianc o mental hospital:

Di'r sgidia ddim yn help chwaith! Oedd y palas yn amazing, aur yn bob man. Dyma lunia o'na fo:

Fel da chi gyd yn gwbod (tait os da chi ddim), oedd penblwydd Dan ddoe, felly atha ni allan efo tri boi o Sweden da ni di bod yn hangio rownd efo i ddathlu. Noson dda iawn, ond ma meddwl am fod ar fys am 16 awr heno yn gneud fi'n sal. O, ia, da ni'n mynd ar fys am 16 awr heno i lawr i'r ynysoedd - Ko Tao di'r stop cynta, lle da ni am neud cwrs deifio 4 diwrnod, fydd yn lot o hwyl gobeithio. Dwi methu disgwl i fod ar yr ynysoedd - ar ol y gwaith calad o drafeilio yn ddiweddar, dwi'n meddwl bod ni'n haeddu brêc...!

Huw - Dim Simon's oedd enw'r lle oedda ni'n aros, ond ma na loads o guest houses yn sbio dros y llyn does, so mashwr bod chdi'n aros yn agos i lle oedda ni!

Robin - Dim jysd Thailand da ni di bod, os sa chdi'n cymyd sylw! Ma Laos a Cambodia yn wledydd ar wahan - ignorant. Da ni nol yn Thailand rwan ddo tan diwadd Tachwedd!

Depressing o flog

Gai jysd ymddiheuro ymlaen llaw am y blog mwya depressing fydd raid i fi ei sgwennu drw'r flwyddyn (gobeithio). Tro dwytha nesh i sgwennu oedda ni dal yn Laos, ond rwan da ni di dod lawr i Cambodia, ac i'r brifddinas sef Phnom Penh. Ma na hanas rili trist tu ol i'r lle, a dyma un o'r llefydd oedd Pol Pot (y boi oedd yn lladd pobol am wisgo sbectol) yn lladd pobol yn y 70au (sgeri bod o mor agos - tua 2 filiwn o Cambodians wedi'u lladd). Eniwe, dydd Sadwrn atha ni i weld y killing fields, sef lle oedd y cyrff i gyd yn cael eu taflu ar ben ei gilydd. Eitha afiach, achos ma na dal ddarna o esgyrn a dillad i weld ar lawr. Y peth mwya afiach ddo oedd twr efo MILOEDD o skulls wedi'u trefnu yn ol oed - oedd o'n anodd meddwl bod pob un ohonyn nhw di bod yn bobol go iawn.

Ar ol fana, atha ni i weld y jel lle oedda nw'n cal eu cadw, oedd yn arfar bod yn ysgol cyn i Pol Pot droi o'n garchar - i roi syniad i chi o pa mor serious oedd y lle, dyma'r sein oedd wrth y fynedfa:

Dwi'n teimlo'n ddrwg wan am neud joc o'r peth! Ond na, oedd y lle yn rili trist, a oedda ni'n gellu gweld celloedd tiny y bobol, ac mewn un sdafall oedd na jysd miloedd o headshots y bobol gafodd eu cadw yn y carchar, cyn mynd ymlaen i gael eu lladd.

Eniwe, dyna ddiwadd y sdwff depressing - ar nodyn mwy ysgafn, yn syth ar ol bod yn y killing fields a'r jel, nath Dan feddwl sa fo'n syniad da mynd i'r shooting range i gal go ar saethu gwn (do, dwi wedi sbotio'r eironi). Do'n i ddim isho go, achos nabod fi, sw'n i di endio fyny yn saethu fy hun, neu rywun arall, neu fy hun A rywun arall. Ond gath Dan saethu AK-47 am $30! (Con). Er bod fi heb gal saethu, gesh i dynu llun efo gwn (a Dan fyd - sbotiwch pwy sy'n stiff efo gwn a pwy sy'n sgeri o naturiol efo DAU):

Oedd y lle oedda ni'n aros yn Phnom Penh yn rili neis, ac yn cal ei redag gen deulu rili neis. Dyna pam natha ni endio fyny yn aros tan ddoe! Oedd y gwesty reit ar lan llyn, a dyma'r olygfa oedd gena ni o le buta'r gwesty:

Un peth annoying ddo, ar y diwrnod ola, nath Dan ffeindio trap llygodan o dan ei wely, efo llygodan arna fo! Eitha afiach meddwl bod ni di bod yn rhannu sdafall am 4 noson efo llygodan. Oedd o dal yn fyw fyd! (Dwi'n teimlo'n tait ar y cockroach, achos oedd o jysd yn y lle rong ar yr amsar rong):

Iawn, dwi'n gorfod mynd rwan - da ni yn Siem Reap ers neithiwr i weld y temla amazing ma (nai son mwy fory gobeithio!), a ma na night life rili da yma! Hefyd, da ni'n cychwyn nol am Bangkok yn gynnar fory, felly gena fi waith pacio i neud. Taaa!

O.N. Gobeithio bod chi'n licio cal loads o lunia, di ffeindio cyfrifiadur efo connection da o'r diwadd!

"Row, row, row!!!"

Helo! Cal gwell lwc efo rhoi llunia fyny erbyn rwan felly o'n i'n meddwl sa well i fi sgwennu chydig! Tro dwytha i fi sgwennu oedda ni'n bwriadu cal bys nos i lawr i'r Four Thousand Islands am 12 awr, felly ar y diwrnod yna, atha ni i'r bus station yn ddigon buan (tua 1) efo'r bwriad o fwcio tocyn ar gyfar bys VIP yn y nos. Ond pan natha ni gyradd, a deud lle oedda ni isho mynd, nath na gang o ddynion amgylchynu ni, cymyd ein bagia, a'r peth nesa dwi'n cofio ydi bod ni'n isda ar fys cyhoeddus, oedd yn cymyd 5 awr yn hirach na'r un VIP! Nath o i gyd ddigwydd mor sydyn, a mae o jysd yn un blur mawr! Eniwe, doedd y daith ddim yn ddrwg digwydd bod, ac os fysa ni di mynd yn y nos, sa ni di colli allan ar olygfeydd fel hyn:

Oedd na foi lleol reit glên ar y bys hefyd, a oedd o'n despret braidd i neud ffrindia. Ar ol i ni roi ein e-mails idda fo (ar ol idda FO ofyn amdanyn nhw!), nath o droi rownd a deud "Thank you! I have no e-mail." Bechod!

Oedd y Four Thousand Islands (neu Si Pha Don yn Laos) yn reit amazing, ac oedda ni'n aros ar ynys fach yn y gwaelod o'r enw Don Det. Y lle mwya random dani di bod o bell ffor. Doedd na ddim trydan, dim siopa iawn, a dim lot o ddim byd! Oedd huts ni reit ar lan yr afon, ac oedd gena ni hamoc yr un! Oedd raid i ni fynd a torch allan efo ni bob nos (torch sy ddim angan batris, sy wedi bod yn handi iawn! Diolch i Gwenno, Huw, Tomos ac Anna eto). Ar y diwrnod cynta, natha ni neud tubing eto, am bod o wedi bod mor relaxing tro cynta rownd. Doedd o ddim cweit mor relaxing tro'ma. Nath o ddechra off yn iawn, jysd gorwadd nol ar y tiwb, ond ar ol yr hannar awr cynta, ddoth y boi ata fi ar ei gwch a deutha fi am ddechra rhwyfo fel nytar tuag at ochor chwith yr afon - "row, row, row!" oedd o'n weiddi, a doedd o ddim yn hapus efo faint o ymdrech o'n i'n rhoi mewn i'r rhwyfo chwaith! Ath o at Dan wedyn i weiddi'r un fath, ond yn lle gweld Dan yn rhwyfo at ochor chwith y lan, nesh i weld o'n nofio at yr ochor dde, lle oedd yr afon yn sblitio'n ddau efo current cry. O'n i'n cymyd mai fi oedd di camddalld, felly dilyn Dan nesh i. Misdec. Oedd Dan di meddwl bod y boi yn pwyntio at ochor chwith y lan ac yn gweiddi "no, no, no!"! Felly atha ni'n dau lawr rhan beryg yr afon, yn trio gweithio'n galad yn erbyn y lli, ond methu - oedd raid i'r boi achub ni ar y cwch yn diwadd!

Yn y nos wedyn, atha ni i'r dafarn leol, lle oedd na fwnci yn byw. Oedd y mwnci bach ma yn byw ar steps pren yng nghefn y dafarn (y math o sdeps lle does na ddim cefn idda nw, jysd slabs o bren math o beth, a oedd y mwnci ar y sdeps, a ni o dan y sdeps, a chaen o'i wddw at waelod y grisia - detail pwysig at nes ymlaen!). Eniwe, bob tro oedd Dan yn mynd at y mwnci ma, oedd o'n neidio ar ei ysgwydd o ac yn gafal rownda fo. O'n i'n trio profi mai ffliwc oedd o bob tro, drw fynd ata fo fy hun, ond doedd o byth yn dod ata fi. OND, ar y tua degfed tro, ar ol chydig o tips gen Dan Dolittle, nath y mwnci neidio ar ysgwydd fi. Wel, bron. Nath o neidio mor wyllt, nesh i ddychryn, a nesh i ollwng fo - rhwng y sdeps. So rwan oedd y mwnci yn hongian gerfydd ei wddw ar y chaen oedd yn sownd i'r sdeps! Mi fysa lladd mwnci'r dafarn wedi bod yn eitha drwg, felly wrth reswm, o'n i'n panicio'n lan. O'n i'n trio pigo fo fyny o hyd, ond oedd o'n mynd yn wyllt ei hun! Oedd Dan yna efo ei law dros ei lygid, tra o'n i'n cal scuffle efo'r mwnci bach ma (oedd erbyn rwan yn sgrechian). Yn diwadd, nesh i lwyddo i godi fo ac achub ei fywyd, ond esh i ddim yn ol ata fo ar ol huna. O diar! Yn anffodus, gatha ni ddim llun o'r mwnci, felly da chi di darllan chunk mawr o sgwennu heb ddim byd i weld! I neud fyny am hyn, dyma lun (reit hen) o Dan a fi:

Tiwbio yn Vang Vieng

Helo! Sori bod fi heb sgwennu ers hiiiir, ond dwi di bod yn trio ffeindio cyfrifiadur sy'n gadal i fi roi llunia fi fyny ar y blog dwytha (14/10/06 - ac wedi erbyn hyn o'r diwadd!). Dydd Gwenar natha ni adal Luang Prabang yn y bora, a cal taith 7 awr ar fys lawr i Vang Vieng. Oedda ni di trefnu cyfarfod y tair o Iwerddon SLASH yr Almaen y noson yna, felly gatha ni noson allan dda efo nw (a Mark o Canada).

Bora dydd Sadwrn wedyn, natha ni fynd yn syth i neud y tubing. Oedd y genod di neud o diwrnod cynt, felly oedd gena ni syniad reit dda be i ddisgwl. Be oedd o oedd tu fewn teiar tractor (sy union fel rubber ring mawr du), a mynd lawr yr afon yn slo bach ar gefn hwna. Oedd na dafarndai a llefydd i sdopio ar y ffordd hefyd, a'r ffor i fynd yn ol i'r afon oedd ar zip wire - digon hawdd, o'n i'n meddwl. Doedd o ddim. Nesh i drio, a methu, a disgyn yn syth bron! Wps. Esh i ddim trio unrw le ar ol huna chwaith, rhag ofn gneud ffwl o fy hun eto! Oedd mynd ar hyd yr afon yn rili braf, a oedd yr olygfa rownda ni yn amazing - dyma lun o'na fi yn bod yn wimp a neidio fewn i'r dwr yn lle:

Doedd na'm lot ar wahan i huna i neud yn Vang Vieng (yr highlight i fi oedd tafarn oedd yn dangos Friends ar repeat drw dydd!), felly natha ni benderfynu symud ymlaen eto ddoe i Vientiane, sef y brifddinas. Dio'n fawr o brifddinas rili chwaith, a da ni heb neud fawr o ddim yma! Jysd sdop ar y ffor i'r lle nesa ydio i ni, sef y Four Thousand Islands sy reit yng ngwaelod Laos ar y ffin efo Cambodia. Oes, ma gena ni siwrna bys 12 awr ar y ffor - afiach go iawn. Gobeithio fydd o ddim mor cramped ac anghyfforddus a'r rhei da ni di cal yn ddiweddar!

Un lawr, deg i fynd

Helo! Da ni dal yn Luang Prabang, a da ni'n cal amsar rili da yma. Peth cynta natha ni ddoe oedd dringo fyny ryw fryn i weld teml oedd reit ar y top, a gatha ni olygfa amazing o'r dre - rili gneud ni sylwi bod ni ddim yn Thailand dim mwy, achos ma fama lot gwyrddach, efo palm trees yn tyfu rhwng bob ty!

Wedyn atha ni i'r rhaeadr na nesh i son am, a oedd o looooads gwell na'r un natha ni weld yn Pai. Oedda ni'n nofio yna fo, a deifio fewn o un tier i'r llall a betha - lot o hwyl, ac un o'r petha gora dwi di neud ers bod yma dwi'n meddwl.

Heddiw wedyn natha ni fynd i raeadr arall efo dwy hogan natha ni gyfarfod neithiwr. Anna di enw un, o Iwerddon, a Whitney di'r llall o America.

Ma Whitney yn hilarious (mai'n atgoffa fi o Heulwen Ffrind Gwerfyl - sy'n golygu dim byd i'r rhan fwya o'na chi!), a mai'n deud 'honey' weithia i fod yn patronising (ond ma'n ffyni). Er enghraifft:

Fi: Do you eat turkey at Christmas?

Hi: No, that's Thanksgiving honey.

So ma hi di bod yn crackio Dan a fi fyny drw dydd, a heno da ni'n cyfarfod nw am fwyd. Gath Anna ei brathu gen neidr ar y ffor fyny i'r rhaeadr, oedd reit sgeri, achos doedda ni'm yn gwbod os oedd o'n wenwynig neu beidio! Mai dal yn fyw, felly dwi'n cymyd bod o ddim! Dyma lun o'na fo:

Oedd na le i weld teigr yna fyd, a oedd o'n nyts pa mor agos oedda ni'n gellu mynd ata fo - gatha ni hyd yn oed twtchad fo! Oedd o reit sgeri mynd reit ata fo a gneud eye contact! Dyma lun o Dan yn rhoi o bach idda fo (slash ddim hyd yn oed yn twtchad am bod o ofn):

Da ni'n gadal Luang Prabang fory a mynd i Vang Vieng (neu rwbath felna!), lle gawn ni neud 'tubing', sy'n swnio'n hwyl. Bedio ydi mynd lawr yr afon ar olwyn fawr. Nai adal chi wbod sut ath o!

O.N. Mis di mynd yn barod, wedi fflio! Mond deg i fynd!

Y Car Gwyn yn Laos

Helo! Da ni di cyradd Laos o'r diwadd! I'r rhei o'na chi sy'n keen yn dilyn ein taith efo map, natha ni gal cwch o Chiang Khong ar hyd ar afon Mekong yr holl ffor i Luang Prabang, a nath o gymyd dau ddiwrnod, oedd ddim yn lot o hwyl - lot gwell na bod ar fys ddo!

Oedda ni'n aros mewn pentra random ar y noson gynta, oedd yn llawn o bobol yn trio gwerthu drygs i ni, drw smalio trio gneud sgwrs gynta. Oedda ni efo boi o Canada ar y pryd, a dyma oedd y "sgwrs":

Dryg dealer: Hi! Where you from?

Ni: Wales.

Fo: Canada.

Dryg dealer: England is good Canada is good do you smoke?

Chwara teg idda fo am neud ymdrech ddo(!)

Da ni dal yn Luang Prabang rwan. Ma'n eitha anodd cofio bod ni mewn gwlad wahanol weithia, achos ma nw'n reit debyg, ond ma'r currency yma'n od iawn - dwi bron yn millionaire efo gwerth tri deg punt! Eitha cwl dal wads mawr o notes, teimlo fatha pres Monopoly!

Neithiwr, atha ni allan efo tair oedda ni di dod i nabod ar y cwch (dwy o Iwerddon, un posh o'r Almaen sy'n trio sharad Saesneg posh ond yr acen Almaeneg yn dod nol pan mai di meddwi), a newch chi byth gesho be nesh i weld - y CAR GWYN!! Dyma lun i brofi'r peth:

Un peth ffyni arall oedd ryw begar hen yn gwisgo dim ond sarong (oce ma'n swnio fwy tait na ffyni, ond daliwch efo fi) oedd yn dod rownd bwr ni tua literally pump gwaith yn begio. Ond dim begio cyffredin, ond ryw ddawns begio bizarre efo'i geg ar agor, ac oedd o'n dewis un person i stario arnyn nhw, ac aros yna am tua munud. Mae o fod yn enwog rownd Luang Prabang, a weithia ma'n newid ei gostume a dod a props allan hefyd, felly edrych mlaen i weld o heno!

Heddiw da ni am fynd i weld rhaeadr (waterfall i'r rhei thic), sy fod yn LOT gwell na'r un natha ni weld yn Pai. Nai adal chi wbod fory os di huna'n wir!

Pawb oedd yn Aber nos Sadwrn - Diolch am feddwl amdana fi, ond lwcus i chi bod batri ffon fi'n fflat, achos a) sa fo di bod yn ddrud i chi a fi, a b) sa chi di deffro fi am tua 5 yn bora, a swn i heb fod yn rhy hapus! Na, gobeithio gatha chi gyd laff, nesh i feddwl amdana chi nos Sadwrn efo dagra yn fy llygaid!

Chiang Mai, Chiang Rai, a Chiang Khong

Helo! Dim ond wedi meddwl swn i'n gadal negas fach yn deud lle da ni ar y funud. Ar ol noson ola yn Pai efo Dom "fi, fi, fi", y boi oedd, yng ngeiria Dan, yn "gneud i calon fi frifo", natha ni adal ar fys 12 o gloch pnawn. Un broblem ddo, oedd raid i ni fynd yn ol i Chiang Mai cyn gellu mynd unryw faint uwch. Am bod ni di cal gymaint o draffarth gadal Chiang Mai tro cynta, natha ni benderfynu sa hi'n well i ni ddal bys yn syth o fana fyny i Chiang Rai. Dyna lle natha ni aros neithiwr (nos Sadwrn), a ben bora ma, gatha ni fys arall fyny at y bordor, sef lle o'r enw Chiang Khong (confusing, dwi'n gwbod). Oedda ni di bwriadu croesi drosodd i Laos heddiw, ond be natha ni ddim rhagweld oedd y bysa'r bancs i gyd di cau ar ddydd Sul, ac felly da ni methu newid pres tan fory! O, wel, da ni di bwcio fo rwan, ac yn gadal bora fory - so'r tro nesa fydda i'n sgwennu, fydda i yn Laos go iawn!

O.N. Sori am beidio rhoi llunia, ond di llunia o Dan a fi yn cysgu ar wahanol fysus ddim yn ddiddorol iawn nadi?!

Fi, fi, fi...

Hai o Pai! Sori bod fi'n slacio efo'r blog, ond gena fi ddim lot i ddeud, achos da ni jysd di bod yn diogi go iawn dros yr ychydig ddyddia dwytha. Diwrnod o blaen, natha ni'n dau rentio scooter yr un, er mwyn i ni ellu dreifio rownd at waterfalls a betha. Oedd na un rhaeadr yn amhosib i'w gyradd, felly oedd raid i ni droi nol (a nesh i lwyddo i ddisgyn off eto - grr!), ond oedd y rhaeadr arall werth ei weld, hyd yn oed jysd er mwyn cal gweld y sein yma:

Nath Dan fynd fewn i nofio dan y rhaeadr, ond oedd o braidd rhy oer i fi!

Un peth dwi ddim yn licio am Pai ddo ydi bod y rhan fwya o deithwyr sy' rownd yn lyfio sharad amdana nw eu hunain - fi fi fi dio gen pawb bron, sy'n boring ar ol dipyn! Am bod ni'n fed up o glywad barn pawb am bob dim, da ni am adal fory, a mynd fyny i Laos, sy fod yn wlad rili neis, a wedi datblygu llai na Thailand, felly dwnim os fedra i blogio am dipyn. Er, ma na internet yn bob man dwi di weld so far, felly sw'n i'm yn synnu os fysa na internet yn Laos hefyd! I orffan, dyma lun arall o'r olygfa yn y rhaeadr (a Dan yn fach yn y gornal waelod).

Dad - Dwi'n gwbod bod chdi'n meddwl bod hyn yn annoying, ond y point ydi bod chdi ddim yn fod i ddarllen negeseuon pobol erill!
Mari a Ioan - Di gweld cwpwl o clips Extras online rwan, a ma'n edrych yn rili ffyni! Ma'n bosib watchad episodes cyfa online, felly ella mai dyna be nai pan gai amsar (slash ydio'n weird a awkward rhannu neges i chi a chitha ddim rili'n nabod eich gilydd?!)
Robin - Sut ffon ti di cal? Yr un rhif ti efo?
Leri - Dwi'n gwbod be ti'n feddwl am y traffic yma - ma fatha bod anything goes! Lot o bobol yn reidio wrth ymyl ei gilydd i sharad!

Scooterphobia

Helo! Sori bod fi heb sgwennu dros y penwythnos, ond da ni heb neud lot o ddim. Heddiw, natha ni lwyddo i adal Chiang Mai o'r diwadd, a dod ar y bys am dair awr i Pai. Mai'n hollol relaxed yma, hyd yn oed mwy na Chiang Mai(!), a ma'n le rili bach.

Dros y penwythnos, nath Dan a fi benderfynu heirio scooter, am bod pawb yn dreifio nw rownd Chiang Mai. Ma nw fod yn reit hawdd i'w dreifio fyd, felly do'n i'm yn poeni gormod. Ond pan gesh i jans i gal test run fyny a lawr yr alley way ma, gesh i banics ar y ffor nol a tynnu'r accelarator yn lle'r brecs, a mynd yn syth fewn i'r wal cyn deifio off y beic yn dramatic. O'n i'n iawn, ond doedd y beic ddim, ac oedd raid i fi dalu decpunt o ffein. Dio'm yn swnio'n lot o bres adra mashwr, ond ma'n loads fama, a o'n i'n gytud - ar ben huna, nath o roi phobia o scooters i fi, a o'n i'n gwrthod mynd nol ar! Dyma lun o Dan arna fo rownd Chiang Mai ddo:


Nos Sadwrn wedyn oedda ni allan efo dau foi o'r Alban (dau o'r rhei oedd yn y band!) sef Kev a Mike, a digwydd bod, natha ni bympio fewn i'r cwpwl Almaeneg oedd ar y trek efo ni mewn un pyb. Oedd Kev a Mike yn bwriadu dod efo ni i Pai yn lle joinio gweddill y gang yn yr ynysoedd yn y de, ond doedd y gweddill ddim rhy hapus dwi'm yn meddwl, felly natha nw dynnu nol funud ola. Biti, achos sa ni di cal hwyl!

Eniwe, heddiw, natha ni rentio scooter eto, a dwi'n falch o ddeud bod fi di gellu dreifio fo rwan! Ma'r lonydd fama yn hollol wag drw'r amsar, felly ma'n lle da i bracdisho. Dwi'm yn gwbod be arall sy gena fi i ddeud rili, felly does na'm point i fi jysd mwydro i lenwi lle nagoes!

Y Trek a Band Gwaetha'r Byd

Helo ers hir! Da ni'n ol oddi ar y trek yn fyw ac yn iach! Ma gena fi lot o betha i ddeud, a dwi'm yn gwbod lle i ddechra! Oedd y trek yn amazing, ond yn waith caled iawn weithia. Doedd y diwrnod cynta ddim yn ddrwg, dim ond cerdded fyny'r mynydd a dros chydig o afonydd, ac ar ol tua 4 awr o gerddad, natha ni gyradd yr hilltribe cynta. Oedd o mor od gweld sut oedd y bobol yn byw, a bod nw'n hollol annibynnol o'r byd mawr. Oedd gena nw iaith eu hunain fyd, iaith weird iawn, a doedd na lot o'na nw ddim hyd yn oed yn dalld Thai, heb son am Saesneg.

Yr ail ddiwrnod wedyn, natha ni sblitio'n ddau grwp, ac oedd na 5 yn grwp ni, sef ni, cwpwl o'r Almaen, a hogan o China. Oedd pawb yn gellu siarad Saesneg, lwcus, neu sa ni heb gal lot o hwyl! Oedd hi'n bwrw drw'r ail ddiwrnod bron ddo, felly oedd y gwaith cerddad yn anodd iawn, a llithrig. Ar ben huna, oedd yr actual ffordd oedda ni'n mynd yn lot mwy peryg a sgeri, efo lot o ledges cul. Un tro, nesh i slipio oddi ar y ledge, ond nesh i lwyddo i afal yn yr ochor (oce, doedd o ddim mor ddrwg a ma'n swnio fama, ond oedd o dal reit sgeri!). Ar adega, am bod hi'n bwrw gymaint, oedd raid i fi wisgo'r poncho gwirion yma:

Oedd diwadd y daith ar yr ail ddiwrnod i gyd lawr allt, a nesh i golli cawnt o faint o weithia nesh i slipio! Oedd o'n gymaint o relief i gyradd lle oedda ni'n aros a cal cawod (oer) a newid i ddillad (chydig mwy) glan. Dyma lun o'n gwlau ni ar yr ail noson - fel da chi'n gweld, oedd hanner y "stafell" yn yr awyr agored - teimlad weird pan oedd hi'n tresho bwrw:

Lwcus, oedd y trydydd diwrnod yn chydig llai o waith, a dim ond ar eliffantod natha ni deithio. Oedd bod ar eliffant yn eitha anghyfforddus ar ol dipyn, a do'n i'm yn trystio'r eliffant 100% i beidio slipio oddi ar y ledge weithia! Oedd un ni'n farus hefyd, yn codi ei drwnc ata ni bob dau funud yn disgwl i ni fwydo fo. Ac ar ol tua 10 munud o gerdded, nath o sdopio i neud ei fusnas ar ganol y trac (sbiwch yn fanwl)!!

Ar ol huna, gatha ni white water rafftio, oedd yn lot o hwyl pan oedd y dwr yn wyllt, ond eitha boring fel arall, so nath Dan a fi neidio fewn i'r afon a jysd mynd efo'r afon felna! Lot mwy o hwyl SLASH sgeri pan nesh i fynd rhy bell oddi wrth y cwch, a methu nofio yn ol yn erbyn yr afon, a poeni bod na fwy o rapids nyts ar y ffor!! Un peth arall dwi newydd gofio bod fi heb son am ydi'r chwilod masif ma oedda nw'n dal, ac oedda nw'n gneud idda nw gwffio yn erbyn ei gilydd a fysa nw fel arfar yn rhoi bet ar pa un fysa'n ennill.

Erbyn diwadd ddoe, o'n i'n eitha balch bod o drosodd, achos oedd o'n rili anodd weithia, ond dwi mor falch bod ni di neud o. Swn i'm yn licio mynd eto'n fuan, chwaith - ma coesa fi'n lladd heddiw!! Atha ni allan neithiwr ar ol cyradd Chiang Mai yn ol, ac oedd o'n eitha neis bod "adra"! Natha ni gyfarfod grwp o bobol ifanc o'r Alban tro'ma, ac efo nw oedda ni drw nos. Yn Heaven Beach, ein local, sy wasdad efo band yn chwara, nath Dan a cwpwl o'r Albanwyr fynd fyny ar y stage i "ganu" "can", efo Dan yn lead singer. Y "band" gwaetha dwi erioed wedi gweld. O bell ffor.

A dyna ni! Sori os di hwn di bod yn riiiili hir, ond oedd gena fi lot i ddeud! A rwan dwi di rhedag allan o amsar yn y lle internet ma, felly ma raid i fi fynd. Gadal Chiang Mai fory, felly nai adal chi wbod lle fydda ni!

O.N. Pen-blwydd hapus hwyr i Sara, fy nghefnither, oedd yn 14 oed ddoe!

Mari - Paid a updatio pobol eto! Job ni di huna! Gobeithio bod Uned 5 yn mynd yn iawn leni. Unrw sdoris ffyni??
Catrin - Siom oedd gweld bod chdi heb commentio tro dwytha, ond dwi'n dalld pam rwan. A na, ma Matt wedi gadal ni!! Haha.
Robin - Na, dwi ddim yn licio'r syniad Big Brother's Big Mouth rip-off!
Gemma a Llinos - Falch bod chi'n darllan! Jelys braidd o'na chi yn Aber, sy'n ffyni braidd! Cofiwch fi at Llew a Hollywood Pizza!
Ioan - Gobeithio gewch chi laff yn Gaerdydd nos fory, dwi'n kind of gytud (sy, unwaith eto, yn ffyni). Dwisho chi gyd gal one minute silence drosta fi oce?!

Massage Thai a cyfarfod Gruff arall!

Helo! Dim lot newydd i ddeud heddiw rili, ond o'n i'n meddwl sa well i fi sgwennu rwan i warnio chi bod fi ddim am ellu sgwennu am gwpwl o ddiwrnoda rwan. Ond mwy am hynna wedyn. Ddoe, ar ol y diwrnoda calad da ni di gal yn ddiweddar(!), natha ni benderfynu bod ni'n dau'n haeddu Thai massage i relaxio. Doedd o'm yn relaxing iawn chwaith. Tynnu ni i bob matha o siapia, a gneud petha random iawn. Un tro, nesh i sgwosho llaw yr hogan by mistake a oedd hi fel "don't do that, please". Oedd raid i ni wisgo dillad ffyni hefyd. Dyma lun o Dan yn modelu'r wisg:

Neithiwr wedyn, natha ni fynd i'n local, a cyfarfod pedwar ifanc o Iwerddon - Gruff (wel, Ian "Griff" Griffin - ffyni ia!), ei gariad Sarah, a dwy arall. Oedda nw newydd fod ar trek 3 diwrnod, ac wedi cal amsar rili da. A heddiw, felly, nath Dan a fi bwcio trek, a da ni'n cychwyn am 9 bora fory. Fydda ni'n cal gneud llwyth o betha dros y 3 diwrnod nesa, fel reidio eliffant, white water rafftio a gweld hilltribes random, felly dwi'n edrych mlaen! Nai adal i chi wbod sut a'th hi ar ol i fi ddod nol! Cyn mynd, dyma lun o'na ni efo'r criw o Iwerddon neithiwr:

Bywyd Chiang Mai (teitl ofnadwy o wael!)

Gai jysd dechra'r blog ma drw ymddiheuro am gynnwys blog dwytha Dan! Ma gena fo gymaint o hawl i bostio ƒa fi, felly geith o ddeud be bynnag mae o isho! Fel mae o di deud yn barod, da ni di bod yn gneud dipyn o betha gwahanol yn Chiang Mai, ond fel nath o hefyd ddeud, ma di gadal i fi ddeud y sdoris gora! Ar ein ail noson yma, natha ni gyfarfod boi o'r enw Matt o Leicester, sy'n 23, a da ni di bod yn neud bob dim efo fo ers huna. Ma'n dda gellu siarad efo rywun gwahanol i Dan weithia!!!

Ma na lot o bobol yn hasslo ni'n bob man yn fama fyd, ac yn hyd yn oed dod fewn i'r tafarndai i drio gwerthu petha i ni. Y peth mwya annoying ydi tegan bach pren sy'n neud swn broga, felly pan da ni'n clywad swn broga, da ni'n gwbod bod NW ar y ffor! Nath Dan drio bob dim gen un, oedd yn ffyni SLASH tait achos bod o'n codi hopes hi, ond natha ni roi pres iddi hi yn diwadd eniwe, jysd am gal llun!


Heddiw atha ni i deml reit anhygoel ar ben mynydd wrth Chiang Mai, ac oedd rhaid i ni gerddad fyny looooooads o risia i gyradd. Oedd o werth o ddo, achos oedd yr olygfa o Chiang Mai reit o'r top yn amazing. Methu cyfleu o mewn llun O GWBL, ond dyma'r peth gora dwi di weld ers bod yma.


Ffyni, yn y clwb nos neithiwr, ar ol clywad am massage fi, nath Dan fynd i ofyn am massage ei hun, ond doedda nw'm yn codi fo fyny yn yr awyr fel natha nw efo fi, felly nath Dan ofyn idda nw neud! Mashwr oedda nw'n meddwl bod o'n weird!

Da ni'n cal noson ddistaw heno, jysd cyfarfod Matt am fwyd a cwpwl o ddiodydd, ond mae o'n son bod o'n gadal Chiang Mai fory i fynd i Chiang Rai (confusing!). Ella nawn ni weld o rownd Thailand rwbryd eto!

Manon - Haha swn i'n lyfio clywad chdi'n rhan o CF1 yn canu Rhythm a Dawns! Nath huna neud fi chwerthin. A'r lyrics.
Dad - Dwi'n iwsho'r gair SLASH achos ma'n cyfleu o'n well! A dim pigwyr pocedi oedda nw, gena fi'm byd yn fy mhocedi i ddwyn efo'r belt pres nagoes!
Catrin - Falch bod fi di gellu helpu chdi i ddod o hyd i flogs difyr erill!!
Gwil - Diolch am commentio o'r diwadd!! Ma blog Mari yn oce.
Lisa - Croeso adra! O'n i di anghofio bod chdi ar dy wylia i ddeud y gwir felly o'n i jysd yn meddwl bod chdi ddim y teip keen fel y pedwar uchod.
Rob - Jaman i chdi yn colli ffon! A chditha mor smyg o'na fo yn lle cynta! Ac yr unig beth sy'n debyg am chdi a Mari ydi bod chi efo gwallt coch!

T.I.T.S

Helo, oni meddyl sa fo'n well i fi ddeud wbath ar y blog amazing ma!!! A dwi ddim yn sarcastic, mae o'n dda! Ginna fi ddim lot i ddeud jusd bod ni di gweld station radio or enw T.I.T.S, ma Gruff yn meddyl bod o rhy contreversial i roid ar i Flog, felly oni'n meddyl swni n rhoi y llun yn lle!!!

Yn ogystal a hyn atha ni i'r zoo heddiw, odd yn y zoo gwaetha dwi di bod yn, odda nw'n advertisio bod ginna nw polar bear, llew, panda, ond pan natha ni drio mynd i weld nw odd nw ddim yna, oni'm rili n disgwl gweld polar bear yn Thailand tho, sa hynna yn od!! Yr unig beth odd yna rili oedd adar, a pwy sisho mynd i zoo i weld adar!! Odd na Ostrich yna hefyd, ma siwr fydd Dylan Paci n hapus o glywad, gan mai wir nickname ydi Dylan Ostrich!!! Eniwe dwi am sdopio mwydro wan!! Dwi'n goro mwydro rili achos di Gruff ddim n gadal fi ddeud y sdoris da achos mae o isho rhoi nw n blog fo!!!!!

Enwie Tara

Love u all

Daniel

xxxxxxxxxxxxxxxxxxxxxxxxxxxx

Fflag Cymru yn Amsterdam

Da ni yn Chiang Mai! Ar ol bod ar dren am ddwy awr drw ryw fath o jyngl, natha ni gyradd. Ma'n le rili da. Ma na lot i neud yma, ond yn wahanol i Bangkok, ma'n le eitha bach, felly ma'n hawdd ffeindio bob dim! A ma na lwyth o bobol wyn rownd, dipyn o shoc i ni erbyn rwan. Be sy'n ffyni ydi bod ni rwan yn cal mwy o shoc wrth weld pobol gwyn na phobol Thai! Ma na lot o ddynion hen gwyn efo genod ifanc Thai, sy'n eitha creepy SLASH tait.

Gesh i ginio lyfli ar ol cyradd - full English!! Dwi di neud reit dda hyd yn hyn, felly o'n i'n meddwl bod fi'n haeddu fo! Neithiwr atha ni i'r Night Bazaar, sef ryw farchnad masif yn ganol y dre, efo lot o betha i neud. Oedd na Irish pub yna, a oedd raid i fi fynd fewn! Mor rhyfadd gellu gofyn am beint wrth far eto, achos fama, nw sy'n dod ata chi bob tro. Doedd na ddim pyb Cymraeg yma, biti, ond atha ni i byb Lloegr (sori Dad!) a pyb Amsterdam a cwpwl o bybs lleol. Dwi di bod yn chwilio am fflag Cymru ers i ni gyradd, a neithiwr nesh i weld un am y tro cynta - yn pyb Amsterdam! Oedd o lot haws gellu pwyntio at y fflag pan oedd pobol yn gofyn lle oedda ni'n dod, achos does na'm lot yn gwbod am Gymru (mond un boi nath ddeud bod o'n sori i glywad am Diana!).


Yn y clwb nos wedyn, gesh i brofiad bizarre SLASH embarassing. Yn y toilet, oedd na ddau foi'n gweithio, fatha sy gena ni'n gwlad ni (e.e. Yoko's), a wrth i fi olchi dulo fi ar ol bod yn toilet, natha nw ddechra rhoi massage i fi. A dim massage ysgwydda normal, ond massage nyts lle oedda nw'n codi fi fyny yn yr awyr a betha! A oedd pobol yn pasho a sbio'n od! O'n i'n meddwl bod o am ddim, ond ar ol gorffen, oedd raid i fi dalu. So nesh i roi 20 baht (tua 30p!) i un o'na nw, ond oedd y boi arall isho hefyd, so resh i 20 baht idda fo hefyd. Oedda nw dal ddim yn edrych yn hapus. Wps!

Dwnim be da ni am neud heddiw, cerddad rownd dipyn i weld be sy ma mashwr. Ond dim massage arall!

O.N. Gwisgo crys Wrecsam fi heddiw, a'r hogan drws nesa i fi newydd ddeud bod hi'n dod o Langollen! Byd bach de!

Endaf - Haha, wrth gwrs bod y blog yn keen, be ti'n ddisgwl gena fi?! A paid a deud petha budur eto, ma teulu fi'n darllan y blog ma sdi - row.
Robin - Falch clywad bod chi'n methu fi am y rhesyma iawn(!) Dwi'n colli poker yn fawr, ac yn gorfod chwara fo ar ffon fi - sy'n profi i fi bod poker ddim yn hwyl heb bres go iawn!
Mari - Haha, cytuno - ma Robin yn racist. A dwi ddim yn sdopio Dan sgwennu blog - fo sy ddim efo mynadd!
Hyw - Da iawn, ti'n nabod fi'n well na Endaf, yn disgwl i'r blog fod yn keen! Ac yndi, ma enw chdi'n dod i fyny - keen ti, di seinio fyny am account blogger a bob dim! (a Endaf a Catrin)
Catrin - Na, dwi'n meddwl sa pawb yn Thailand yn sbio'n od arna chdi y cawr! Tait ddo, nesh i weld dynas tua literally 6'7" ddoe!! Bet oedd hi'n teimlo'n hiiiiwj.
Manon - Ddei di i arfar heb Trados yn ddigon buan dwi'n siwr! Dalier ati, i fod yn onest.

Glaw, Na a Peeen!

Ma hi wedi bod yn benwsnos gwahanol iawn i'r arfar! Ar ol i fi sgwennu'r blog dydd Sadwrn, ath Dan a fi allan i'r Bazaar, sef casgliad o dafarndai. Oedd o reit od mai ni oedd yr unig bobol gwyn a pawb yn sbio arna ni. Gatha ni groeso gen pawb, a diwadd nos o'n i efo gang o bobol ifanc Thai mewn lle bwyd! Random go iawn.

Dydd Sul wedyn, natha ni jysd diogi yn ystod y dydd, ac i swper nath Dan gal y peth mwya afiach dwi di weld - pysgodyn wedi ei deep fryio oedd o, ac oedd o'n edrych fel bod nw literally di gollwng pysgodyn byw fewn i deep fat fryer! O'n i methu sbio, achos gesh i giggles, a ma pobol y lle yn ddrwg am sbio arna ni'n buta so o'n i'n teimlo'n rwwd braidd yn chwerthin!

Bora ddoe natha ni gychwyn am y lle nesa, sef Lampang, a oedd Dan di gadal i fi drefnu pob dim tro'ma, felly o'n i'n teimlo'r pressure braidd! Lwcus, natha ni gyradd yn iawn, ac atha ni allan yn y nos, wedi bwriadu cal noson ddistaw. Mewn un tafarn ddo, nath na ddau foi lleol, sef Na a Peeen(!), alw ni draw ata nw, ac wedyn mynd a ni i'r clwb nos mwya swreal dwi rioed di weld. Oedd o'n fawr, efo tua 500 o bobol yna, ac oedd na lwyfan fawr yn y ffrynt efo ryw ben draig metel mawr yn llenwi fo! Oedd na ryw ganwyr Thai yna hefyd, ond o'n i'n teimlo rhy dal i ddawnsio! Dyma lun o'r pedwar o'na ni (boi o Irac oedd yn tynu'r llun!):

Wrth fynd adra, oedd hi'n tresho bwrw. Ma hi'n ganol y rainy season, felly da ni'n cal cawodydd trwm ar adega random o'r dydd.

Mynd i Chiang Mai fory, ac am aros yna am tua wsnos gobeithio. Mae o fod yn lle da iawn. Da ni'n gobeithio sdopio mewn ryw le eliffantod ar y ffor. Gawn ni weld!!

Mari - Sud oedd Glyn ac Imogen?? Oedd Glyn yn cofio fi?! Haha!
Manon - Gobeithio bod chdi'n mwynhau yn Prysg! Di nw'n gweithio chdin galed?
Hyw - Sut hwyl ar y gwylia? Croeso adra (os dwi even yn gellu deud huna...)
Catrin - Yndw, dwi'n gwirioni darllan comments chi! Haha. Gna bob tro!

"Is this the road to danger?"

Helo! Jysd wedi meddwl swn i'n popio fewn i internet cafe tra bod Dan yn watchad gem Lerpwl mewn tafarn (mashwr mai wishful thinking oedd meddwl swn i'n gellu osgoi pel-droed am flwyddyn!). Ben bora ma, natha ni ddal tren i Philok, sy tua saith awr o daith i'r Gogledd. Oedd y tren yn afiach o boeth, ac am bod ni yn 3rd class doedd na ddim aircon, felly oedda ni'n chwysu'n afiach. Drw'r daith fuo ni'n (trio) sgwrsio efo tair dynes Thai, oedd ddim yn dalld yr un gair o Saesneg! Oedda ni jysd yn cymryd ein tro i bwyntio at wahanol eiria yn ein llyfr Thailand (presant handi iawn gen Gwenno, Huw, Tomos ac Anna!), ond edrych yn syn slash ofn oedda nw ar ol cwestiwn Dan. Wrth drio gofyn os oedd y lle oedda ni'n mynd i yn beryg, nath o endio fyny'n gofyn "is this the road to danger?"! O wel, o leia da ni'n trio!

Am gal nos Sadwrn dda heno gobeithio, casgliad o dafarndai a chlybia nos yn reit agos at ei gilydd. Ma pob dim mor rhad yma, dwi mond di gwario tua 50 punt ers bod yma! Hwn di'r lle lleia Westernised da ni wedi bod yn hyd yn hyn, a ma pawb yn sbio reit od arna ni yn bob man da ni'n mynd. Ma Dan yn licio fo, dwi ddim!

Eniwe, mashwr bod y gem di gorffan erbyn rwan, felly gai fynd nol i joinio Dan! Dwnim lle fydda i pan fydda i'n sgwennu nesa...

Teml, palas ac adfeilion

Ar ol ail noson chydig llai gwirion yn Bangkok, natha ni adal ar dren am 7am i fynd i Ayuthaya, sef hen brif ddinas Thailand. Ma'r trena'n ofnadwy o gyfleus, a dim ond tua 14 ceiniog oedd taith awr yn gostio! Oedd hi'n neis gadal awyr fyglyd Bangkok a cal chydig o awyr iach. Ma'r hen brif ddinas efo afon reit rowndi hi, felly oedd rhaid i ni gal cwch bach dros yr afon er mwyn cyradd - tua 3 ceiniog oedd hwna! Ers cyradd, da ni wedi bod i weld teml, palas ac adfeilion, cyn mynd nol i'r hostel mewn tuk-tuk am siesta er mwyn osgoi haul poeth y pnawn. Ma na eliffantod yn bob man yma, a oedda chi'n gellu mynd ar eu cefna nhw rownd y dre, ond da ni di penderfynu gneud hynna mewn rwla fel jyngl yn lle (a oedd o braidd rhy ddrud!).

Ma na lot o bobol yn haslo ni i brynu petha ddo, ac oedd na un boi yn dilyn fi am tua chwarter awr yn trio ei ora i werthu hamoc i fi!

Fory, da ni'n gadal ar dren cynnar eto i fynd fwy fyny i'r Gogledd. Edrych mlaen i weld rwla hollol wahanol eto!

O.N. Diolch Mari a Catrin am roi pressure arna fi i feddwl am deitla diddorol o hyn ymlaen!!